ଭବାନୀପାଟଣା : ସାମ୍ବାଦିକ ଜଗତର ଜଣେ ଚର୍ଚ୍ଚିତ ନିର୍ଭୀକ ଚେହେରା । ଯିଏକି ସାଧାରଣ ଲୋକଙ୍କ ସମସ୍ୟାର କଥା ହେଉ ଅବା ଆଦିବାସୀଙ୍କ ହକର କଥାକୁ ଅତି ନିଖୁଣ ଭାବରେ ଉପସ୍ଥାପନ କରୁଥିଳଏ । ଅନେକ ନିର୍ଭିକ ସାମ୍ବାଦିକ ଗଠନ କ୍ଷେତ୍ରର ଜଣେ ବିନ୍ଧାଣି । ଯାହାଙ୍କ ଅକାଳ ବିୟୋଗ ସାମ୍ବାଦିକ ମହଲରେ ଶୋକର ଛାୟା ଖେଳିଯାଇଛି ।
ସାମ୍ବାଦିକ ଅସଲମଙ୍କ ଅକାଳ ବିୟୋଗ
ଗତ ମଙ୍ଗଳବାର ଦିନ ବ୍ରେନଷ୍ଟ୍ରୋକର ଶିକାର ହୋଇଥିଲେ ଅସଲମ । ପ୍ରଥମେ କଳାହାଣ୍ଡି ହସ୍ପିଟାଲ ଓ ପରେ ଭୁବନେଶ୍ୱରର ଏକ ଘରୋଇ ହସ୍ପିଟାଲକୁ ତାଙ୍କୁ ସ୍ଥାନାନ୍ତର କରାଯାଇଥିଲା ।
ହେଲେ ଚିକିତ୍ସାଧିନ ଅବସ୍ଥାରେ ଗୁରୁବାର ସନ୍ଧ୍ୟାରେ ତାଙ୍କର ଅକାଳ ବିୟୋଗ ଘଟିଥିଲା।
ଆଜି(ଶୁକ୍ରବାର) ଅସଲମଙ୍କ ମରଶରୀର ନିଜ ଜନ୍ମମାଟିକୁ ଅଣା ଯାଇଥିଲା। ଆଉ ଅସଲମଙ୍କ ଶେଷ ଦର୍ଶନ ପାଇଁ ଭିଡ ଜମିଥିଲା ।
ଶେଷ ଦର୍ଶନ ପରେ ସ୍ବର୍ଗତ ଅସଲମଙ୍କ ମରଶରୀର ଶୋଭାଯାତ୍ରାରେ ବାହାରି ଭବାନୀପାଟଣା ସହର ଉପକଣ୍ଠରେ ଥିବା କବରିସ୍ତାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି।
କଳାହାଣ୍ତିରୁ ଅଜିତ ସିଂ, ଇଟିଭି ଭାରତ
