କଳାହାଣ୍ଡି: ଜୁନାଗଡ ବୋଦେଲ ତାଳବନ୍ଧପଡାରୁ ଅଚିହ୍ନା ଯୁବକଙ୍କ ମୃତଦେହ ଉଦ୍ଧାର ହୋଇଛି। ଗାଁ ନିକଟ ଏକ ଗଛରେ ଯୁବକଙ୍କ ମୃତଦେହ ଦେଖିଥିଲେ କିଛି ଗ୍ରାମବାସୀ । ସଙ୍ଗେ ସଙ୍ଗେ ପୋଲିସକୁ ଖବର ଦେଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ଘଟଣାସ୍ଥଳରେ ଜୁନାଗଡ ପୋଲିସ ପହଞ୍ଚି ମୃତଦେହ ଜବତ କରିଛି। ତେବେ ଏହି ଯୁବକଙ୍କ ମୃତଦେହ ଗାଁ ର ଜଣକ ଧାନ ବିଲ ଭିତରେ ଥିବା ଗଛରୁ ଉଦ୍ଧାର କରାଯାଇଛି। ଯୁବକ ଜଣକ କିଏ, ଏଠାକୁ ଆସିଲେ କିପରି। ପୋଲିସ ଏନେଇ ତଦନ୍ତ ଆରମ୍ଭ କରିଛି । ସେ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ହତ୍ୟା କରି ଏଠାରେ ଟାଙ୍ଗି ଦେଇଛି, ତାହା ତଦନ୍ତ ପରେ ସ୍ପଷ୍ଟ ହେବ ।
କଳାହାଣ୍ଡିରୁ ଅଜିତ ସିଂ,ଇଟିଭି ଭାରତ
