ଭବାନୀପାଟଣା: କଳାହାଣ୍ଡି ଜିଲ୍ଲା ଭବାନୀପାଟଣା ମୁଖ୍ୟ ଚିିକିତ୍ସାଳୟ ପରିସରରେ ଥିବା ଡମ୍ପିଂୟାର୍ଡରେ ନିଆଁ । ବର୍ଜ୍ୟବସ୍ତୁରେ ନିଆଁ ଲାଗିବାରୁ ହସ୍ପିଟାଲ ଅଞ୍ଚଳରେ ଦୁର୍ଗନ୍ଧ ଓ ଧୂଆଁରେ ପରିବେଶ ଅନ୍ଧକାରମୟ ହୋଇଥିଲା । ଯାହାକୁ ନେଇ ଅସନ୍ତୋଷ ପ୍ରକାଶ ପାଇଥିଲା ।
ଡାକ୍ତରଖାନା ଡମ୍ପଂ ୟାର୍ଡରେ ନିଆଁ, ସ୍ଥାନୀୟ ଅଞ୍ଚଳରେ ତିବ୍ର ଅସନ୍ତୋଷ
ଡାକ୍ତରଖାନାର ବର୍ଜ୍ୟବସ୍ତୁ ପରିଚାଳନାରେ ତୃଟି ଯୋଗୁଁ ଡମ୍ପିଂୟାର୍ଡରେ କୁଢକୁଢ ଆବର୍ଜନା ଜମା ହୋଇ ରହିଛି । ଏଥିରେ ନିଆଁ ଲାଗି ପରିବେଷ ଦୂଷିତ ହୋଇଛି । ଯାହାକୁ ନେଇ ହସ୍ପିଟାଲରେ ରହିଥିବା ରୋଗୀ ଏବଂ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଖବର ପାଇ ଡାକ୍ତରଖାନାରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିବା ବେଳେ କେଉଁ କାରଣରୁ ନିଆଁ ଲାଗିଥିଲା ସେନେଇ ଅଗ୍ନିଶମ ବିଭାଗ ପକ୍ଷରୁ କୌଣସି ସୂଚନା ଦିଆଯାଇ ନାହିଁ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
