ଭବାନୀପାଟଣା: ପୂର୍ବତନ ସାଂସଦ ଜୟରାମ ପାଙ୍ଗୀ ଓ ନବରଙ୍ଗପୁରର ପୂର୍ବତନ ସାଂସଦ ବଳଭଦ୍ର ମାଝୀ ଆଦିବାସୀ ବିରୋଧୀ ମନ୍ତବ୍ୟ ଦେଇଥିବା ଅଭିଯୋଗ କରି ଉଭୟଙ୍କୁ ଗିରଫ ଦାବି । ଆଦିବାସୀ ଯୁବ ସଂଗଠନ କଳାହାଣ୍ଡି ଆଦିସ୍କନ୍ଧ ସମାଜ ବୀର କମଲ ମୈଦାନ ଅସୁରଗଡ ଓ ଆଦିବାସୀ ସଂଘ ନର୍ଲା ପକ୍ଷରୁ ଏହି ଦାବି କରାଯାଇଛି । ପୂର୍ବତନ ସାଂସଦ ଦ୍ବୟଙ୍କ ନାଁରେ ପୃଥକ ପୃଥକ 2ଟି ମାମଲା ରୁଜୁ କରି ଉଭୟଙ୍କୁ ଗିରଫ ପାଇଁ ନର୍ଲା ଥାନାରେ ଏତଲା ଦିଆଯାଇଛି ।
ଆଦିବାସୀ ବିରୋଧୀ ମନ୍ତବ୍ୟ ଦେଇଥିବା ଦୁଇ ପୂର୍ବତନ ସାଂସଦଙ୍କ ବିରୁଦ୍ଧରେ ଏତଲା ରୁଜୁ
କିଛି ଦିନ ପୂର୍ବେ ଉଭୟ ସାଂସଦ ପ୍ରେସମିଟ୍ ମାଧ୍ୟମରେ ଆଦିବାସୀ ଜମି କିଣାବିକା ଆଇନକୁ କୋହଳ କରାଯାଉ ଯାହାଦ୍ବାରା ଆଦିବାସୀ ମାନେ ସହଜରେ ଜମି ବିକ୍ରି କରିପାରିବେ ବୋଲି ମନ୍ତବ୍ୟ ଦେଇଥିଲେ । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି ।
ଏହି ମନ୍ତବ୍ୟକୁ ରାଜ୍ୟ ସାରା ସବୁ ଆଦିବାସୀ ସଂଗଠନ ବିରୋଧ ପ୍ରଦର୍ଶନ କରି ଆସୁଛନ୍ତି । ଏହି କ୍ରମରେ ନର୍ଲା ଆଦିବାସୀ ସଂଗଠନ ପକ୍ଷରୁ ପ୍ରତିବାଦ କରିବା ସହ ଏତଲା ଦିଆଯାଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
