ଭବାନୀପାଟଣା: କଲମପୁର ମଣ୍ଡିରେ ଟୋକନ ନ ମିଳିବାରୁ ଚାଷୀମାନେ ତହସିଲ ଅଫିସ ଆଗରେ ଧାନ ବସ୍ତା ରଖି ବିକ୍ଷୋଭ କରିଛନ୍ତି । ଏପରିକି ତହସିଲ ଅଫିସକୁ ତଦନ୍ତରେ ଆସିଥିବା ଧର୍ମଗଡ ଉପଜିଲ୍ଲାପାଳ ପଦ୍ମନାଭ ବେହେରାଙ୍କ ଗାଡି ଆଗରେ ଚାଷୀମାନେ ଶୋଇ ପ୍ରତିବାଦ କରିଥିବା ଦେଖିବାକୁ ମିଳିଛି ।
ଚାଷୀଙ୍କ ଅଭିନବ ଆନ୍ଦୋଳନ,ତହସିଲ ଅଫିସ ଆଗରେ ଧାନ ରଖି ଧାରଣା
ପ୍ରାୟ ୪୮ ଜଣ ଚାଷୀ ଧାନ ବିକ୍ରି କରିନପାରି ଅସୁବିଧାର ସମ୍ମୁଖୀନ ହୋଇଛନ୍ତି । ପ୍ୟାକ୍ସ କର୍ମଚାରୀ ମାନେ ମଧ୍ୟ କୌଣସି ସଠିକ ତଥ୍ୟ ଦେଉନଥିବାରୁ ଶେଷରେ ଅନ୍ୟ ଉପାୟ ନପାଇ ଏକତ୍ରିତ ହୋଇ ତହସିଲ ଅଫିସ ଆଗରେ ପ୍ରତିବାଦ କରିଛନ୍ତି । ଏହା ସହ ତହସିଲ ଅଫିସକୁ ତାଲା ମାରି ରଖିଥିବାବେଳେ ଧର୍ମଗଡ ଉପ ଜିଲ୍ଲାପାଳ ପଦ୍ମନାଭ ବେହେରାଙ୍କ ଗାଡି ଆଗରେ ଶୋଇପଡ଼ି ପ୍ରତିବାଦ କରିଛନ୍ତି । ଉପ ଜିଲ୍ଲାପାଳ ଶେଷରେ ଚାଲି ଚାଲି ବ୍ଲକକୁ ଯାଇଥିବା ବେଳେ ତାଙ୍କୁ ମଧ୍ୟ ଚାଷୀମାନେ ଅଟକ ରଖିଥିବା ଦେଖିବାକୁ ମିଳିଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
