ଭବାନୀପାଟଣା: ମାଓବାଦୀ ପରିଚୟ ଦେଇ ଟଙ୍କା ଆଦାୟ ବେଳେ ମାଡି ବସିଲା ପୋଲିସ । ଠିକାଦାରଙ୍କ ଠାରୁ ଆରମ୍ଭ କରି ବ୍ୟବସାୟୀଙ୍କୁ ଲଲବାହୀନି ନାମରେ ଲୁଟୁଥିଲେ ୨ ଅପରାଧୀ । ଅଭିଯୁକ୍ତ ହେଲେ କଳାହାଣ୍ଡି ଜିଲ୍ଲା ବିଜେପୁର ଥାନା ଅଞ୍ଚଳର ଉଦ୍ଧବ ନାୟକ ଓ କେଗାଁ ଥାନା ଅଞ୍ଚଳର ଜରାଷଣ୍ଢ ସୁନା । ଏମାନଙ୍କ ନାଁରେ ଜିଲ୍ଲାର ବିଭିନ୍ନ ଥାନାରେ ଏକାଧିକ କେଶ୍ ଥିବା ନେଇ ପ୍ରେସ ବିଜ୍ଞପ୍ତି ଜରିଆରେ ସୂଚନା ଦେଇଛନ୍ତି କଳାହାଣ୍ଡି SP ।
ସୂଚନା ଅନୁଯାୟୀ କଳାହାଣ୍ଡି ଜିଲ୍ଲା ଜୟପାଟଣା ଥାନା ଅନ୍ତର୍ଗତ ଘଣ୍ଟିଗୁଡା ଗାଁର ହେମରାଜ ନାୟକ ଜଣେ ସରକାରୀ କର୍ମଚାରୀ । ସେ ଦୀର୍ଘ ଦିନ ଧରି ଥୁଆମୂଳ ରାମପୁର ବ୍ଲକର ଅନ୍ତର୍ଗତ ମହୁଲପାଟଣା ପିଇଓ ଭାବରେ ନିଯୁକ୍ତ ଅଛନ୍ତି । ତେବେ ଗତ ଜୁନ ୧୦ ତାରିଖରେ ତାଙ୍କ ନିକଟକୁ ଏକ ଫୋନ କଲ ମାଧ୍ୟମରେ ମାଓବାଦୀଙ୍କ ନାମରେ ୨ ଲକ୍ଷ ଟଙ୍କା ଦେବାକୁ ମଗାଯାଇଥିଲା । ଟଙ୍କା ନଦେଲେ ତାଙ୍କ ସହ ପରିବାର ଲୋକଙ୍କୁ ମଧ୍ୟ ହତ୍ୟା କରିବାକୁ ଧମକ ମିଳିଥିଲା । ପରେ ହେମରାଜ ଥୁଆମୂଳ ରାମପୁର ଥାନାରେ ଏନେଇ ଲିଖିତ ଅଭିଯୋଗ କରିଥିଲେ ।
