ଭବାନୀପାଟଣା: କଳାହାଣ୍ଡି ଜିଲ୍ଲା ଲାଞ୍ଜିଗଡ ଓ ବିଶ୍ବନାଥପୁର ଅଞ୍ଚଳରେ ବଣୁଆ ହାତୀ ଆତଙ୍କ । ଅଞ୍ଚଳର ମୁଖ୍ୟ ରାସ୍ତା ଉପରେ ହାତୀ ବୁଲୁଥିବା ନେଇ ଭୟଭୀତ ଲୋକେ । ଗତ କିଛିଦିନ ହେଲା ସ୍ଥାନୀୟ ନଙ୍ଗଲବେଡା ଗାଁ ନିକଟରେ 3 ଟି ବଣୁଆ ହାତୀ ଘୁରି ବୁଲିବା ସହ ସ୍ଥାନୀୟ ଅଞ୍ଚଳରେ ବ୍ୟାପକ କ୍ଷୟକ୍ଷତି ଘଟାଉଥିବା ସୂଚନା ମିଳିଛି ।
ରାସ୍ତା ଉପରେ ହାତୀପଲ: ଆତଙ୍କିତ ଅଞ୍ଚଳବାସୀ
ହାତୀଶାଲ ସଂରକ୍ଷିତ ଜଙ୍ଗଲରୁ ହାତୀ ଜନବସତି ଆଡକୁ ଚାଲି ଆସୁଥିବାରୁ କୁଟିଙ୍ଗପଦର, ନଙ୍ଗଲବେଡା, ହରେକୃଷ୍ଣପୁର ଅଞ୍ଚଳବାସୀ ଭୟଭୀତ ଅବସ୍ଥାରେ ରହିଛନ୍ତି । ଗତ ଦୁଇଦିନ ତଳେ ଏକ ହାତୀପଲ କୁଟିଙ୍ଗପଦର ଗାଁ ଚାଷୀଙ୍କ ଧାନ ଖାଇଯିବା ସହ ନଳକୂପକୁ ମଧ୍ୟ ଭାଙ୍ଗି ଦେଇଥିବା ଜଣାପଡିଛି । ଏନେଇ ଖବର ପାଇ ସ୍ଥାନୀୟ ଅଞ୍ଚଳର ବନ ବିଭାଗ ପକ୍ଷରୁ ପାଟ୍ରୋଲିଂର ବ୍ୟବସ୍ଥା କରାଯାଇ ହାତୀପଲକୁ ଘଉଡାଇବା ପାଇଁ ଉଦ୍ୟମ ଜାରି ରହିଛି ।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
