ଭବାନୀପାଟଣା: ସାରା ବିଶ୍ବକୁ କୋରୋନା ଭୂତାଣୁ ଗ୍ରାସ କରିଛି । କୋରୋନାକୁ ନେଇ ସାରା ଦେଶରେ ଜାରି ହୋଇଛି ଲକଡାଉନ । ସଂକ୍ରମଣ ରୋକିବାକୁ ଉଭୟ କେନ୍ଦ୍ର ଓ ରାଜ୍ୟ ସରକାର ବିଶେଷ ପଦକ୍ଷେପ ଗ୍ରହଣ କରୁଛନ୍ତି । କୋରୋନା ସହ ଏହି ଯୁଦ୍ଧରେ ମୁକାବିଲା କରୁଛନ୍ତି ଡାକ୍ତର, ନର୍ସ, ସ୍ବାସ୍ଥ୍ୟ କର୍ମୀ ଓ ପୋଲିସଙ୍କ ଭଳି ଅତ୍ୟାବଶ୍ୟକ ସେବାର କର୍ମଚାରୀ । ଏମାନଙ୍କ ଅବଦାନକୁ ସମ୍ମାନିତ କରିଛି ଧର୍ମଗଡ ବାଣିଜ୍ୟ ସଂଘ ।
କୋରୋନା ଯୋଦ୍ଧାଙ୍କୁ ସମ୍ବର୍ଦ୍ଧନା କଲା ଧର୍ମଗଡ ବାଣିଜ୍ୟ ସଂଘ
ସଂଘ ପକ୍ଷରୁ ଧର୍ମଗଡ ଡାକ୍ତରଖାନାରେ କାର୍ଯ୍ୟରତ ଡାକ୍ତର, ନର୍ସ ଓ ସ୍ବାସ୍ଥ୍ୟକର୍ମୀମାନଙ୍କୁ ଫୁଲ, ଉପଢୌକନ ଦେଇ ସମ୍ମାନିତ କରାଯିବା ସହ ସାନିଟାଇଜର ଓ ବିସ୍କୁଟ ପ୍ରଦାନ କରାଯାଇଛି ।
ଡାକ୍ତର ସ୍ବାସ୍ଥ୍ୟ କର୍ମୀମାନେ ଦିନରାତି ପରିଶ୍ରମ କରି ନିଜକୁ ରୋଗୀ ସେବାରେ ନିୟୋଜିତ କରିଛନ୍ତି । ତେବେ ଏହି କୋରୋନା ଯୋଦ୍ଧାଙ୍କୁ ସମ୍ମାନିତ କରିବା ବାସ୍ତବରେ ଏକ ପ୍ରଶଂସନୀୟ ପଦକ୍ଷେପ ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
