ଭବାନୀପାଟଣା: ପଶ୍ଚିମ ଓଡିଶାକୁ ପ୍ରଧାନମନ୍ତ୍ରୀ ଆବାସ ଯୋଜନାରେ ରାଜ୍ୟ ସରକାରଙ୍କ ଅଣଦେଖା ଓ ଅହେତୁକ ବିଦ୍ୟୁତ ଦର ବୃଦ୍ଧି ନେଇ କଂଗ୍ରେସର ବିକ୍ଷୋଭକୁ ମନ୍ତ୍ରୀଙ୍କ ବିରୋଧକୁ ନେଇ ଯୁବ କଂଗ୍ରେସର ପ୍ରତିବାଦ । ଏନେଇ ଯୁବ କଂଗ୍ରେସ ପକ୍ଷରୁ ମନ୍ତ୍ରୀ ଟୁକୁନି ସାହୁଙ୍କ କରାଯାଇଛି ।
ସ୍ବତନ୍ତ୍ର କୋଶଳ ରାଜ୍ୟ ଦାବି ନେଇ କୋଶଳ ଯୁବ ସମନ୍ବୟ ସମିତିର କୋଶଳ ସ୍ବାଭିମାନ ପଦଯାତ୍ରା ଗତ ୨୩ ତାରିଖ ଦିନ ଭବାନୀପାଟଣା ଠାରୁ ଆରମ୍ଭ ହୋଇ ଗତକାଲି ସନ୍ଧ୍ୟାରେ ପଡୋଶୀ ବଲାଙ୍ଗୀର ଜିଲ୍ଲାର ସଇନ୍ତଲା ଠାରେ ପହଞ୍ଚିଥିଲା । ସେଠାରେ ମନ୍ତ୍ରୀ ଟୁକୁନି ସାହୁ ତାଙ୍କୁ ଅଟକାଇ ପଦଯାତ୍ରା ବନ୍ଦ କରିବାକୁ କହିଥିଲେ । ଏହା ସହିତ ମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଆନ୍ଦୋଳନକାରୀମାନଙ୍କୁ ପୋଲିସ ଗିରଫ କରି ଥାନାରେ ଅଟକ ରଖିଥିଲା।
ଏହାର ପ୍ରତିବାଦରେ ରିବାବାର କଳାହାଣ୍ଡି ଜିଲ୍ଲା ଯୁବ କଂଗ୍ରେସ ରାସ୍ତାକୁ ଓହ୍ଲାଇଥିଲା । ଯୁବ କଂଗ୍ରେସ ପକ୍ଷରୁ ଭବାନୀପାଟଣା ସହରରେ ଥିବା ଗାନ୍ଧୀ ଛକଠାରେ ମନ୍ତ୍ରୀ ଟୁକୁନି ସାହୁ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କୁଶପୁତ୍ତଳିକା ଦାହା କରିଛି ଜିଲ୍ଲା ଯୁବ କଂଗ୍ରେସ । ମିଥ୍ୟା କେସକୁ ଉଠାଇବାକୁ ଦାବି କରିଛି ଯୁବ କଂଗ୍ରେସ । ସମସ୍ୟା ସାମାଧାନ ନ ହେଲେ ଆଗକୁ ଜୋରଦାର ଆନ୍ଦୋଳନ ହେବ ବୋଲି କହିଛି ଜିଲ୍ଲା ଯୁବ କଂଗ୍ରେସ ।
କଳାହାଣ୍ଡିରୁ ଅଜିତୁ କୁମାର ସିଂ, ଇଟିଭି ଭାରତ
