ଭବାନୀପାଟଣା : ପୁଣି ଅଲୋଡ଼ା ହେଲା ନବଜାତକ । ପରିତ୍ୟକ୍ତ କୂଅରେ ଭାସୁଛି ନବଜାତ ଶିଶୁର ମୃତଦେହ । ଏପରି ଏକ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ଜୟନ୍ତପୁର ଗାଁରେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁଯାୟୀ ସକାଳ ସମୟରେ ଗାଁର କିଛି ମହିଳା ପରିତ୍ୟକ୍ତ କୂଅକୁ ଅଳିଆ ଫିଙ୍ଗିବାକୁ ଯାଇଥିବାବେଳେ ନବଜାତ ଶିଶୁଟିର ମୃତଦେହ ପଡିଥିବା ଦେଖିବାକୁ ପାଇଥିଲେ ।
ପୁଣି ଅଲୋଡ଼ା ହେଲା ନବଜାତକ:ପରିତ୍ୟକ୍ତ କୂଅରୁ ମୃତଦେହ ଉଦ୍ଧାର
ତେବେ ଶିଶୁଟିକୁ କେହି ଜନ୍ମ ପରେ ଏଠାରେ ଫିଙ୍ଗି ଦେଇଥିବା ଅଭିଯୋଗ ହୋଇଛି । ଅନ୍ୟପକ୍ଷରେ ନବଜାତ ଶିଶୁଟି ଝିଅ ନା ପୁଅ ବର୍ତ୍ତମାନ ସୁଦ୍ଧା ଜଣାପଡି ନାହିଁ । ଘଟଣାସ୍ଥଳରେ କୋକସରା ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡ଼ିଛି। ତେବେ,ଏ ଶିଶୁକୁ କିଏ ଓ କାହିଁକି ଏଠାରେ ଫିଙ୍ଗିଲା ସେନେଇ ତଦନ୍ତ ଆରମ୍ଭ ହୋଇଛି ।
କଳାହାଣ୍ତିରୁ ଅଜିତ ସିଂ, ଇଟିଭି ଭାରତ
