ଭବାନୀପାଟଣା: କଳାହାଣ୍ଡି ପୋଲିସ ଆଜି(ରବିବାର) ଧଳା ଜହର କାରବାର କରୁଥିବା 2 ଅଭିଯୁକ୍ତଙ୍କୁ ଗିରଫ କରିଛି । ସେମାନଙ୍କ ଠାରୁ ପ୍ରାୟ ୪୦ ଗ୍ରାମ ଧଳା ଜହର,୨ ଟି ମୋବାଇଲ ଫୋନ, ଗୋଟିଏ କାର ସହ କାରବାରରେ ଲିପ୍ତ ଥିବା ୨ ଅଭିଯୁକ୍ତଙ୍କୁ ଗିରଫ କରିଛି ।
କଳାହାଣ୍ଡିରେ ଧଳା ଜହର କାରବାର, 2 ଗିରଫ
କଳାହାଣ୍ଡି ଏସପିଙ୍କ ସୂଚନା ଅନୁଯାୟୀ, ଏହି ଦୁଇ ଅଭିଯୁକ୍ତ ଭବାନୀପାଟଣା ସହରର ଯୁବ ପିଢିଙ୍କୁ ଏହି ନିଶା ସେବନ ପାଇଁ ପ୍ରୋତ୍ସାହିତ କରିବା ସହ ବିକ୍ରି କରୁଥିଲେ । ତେବେ ଅଭିଯୁକ୍ତଙ୍କ ଠାରୁ ଜବତ ହୋଇଥିବା ପାଉଡ଼ର କେଉଁ ପ୍ରକାରର ତାର ପରୀକ୍ଷଣ ପାଇଁ ଫରେନ୍ସିକ ଲ୍ୟାବକୁ ପଠା ଯାଇଥିବା ସୂଚନା ଦେଇଛନ୍ତି କଳାହାଣ୍ଡି ଏସପି ।
ଗିରଫ ଦୁଇ ଅଭିଯୁକ୍ତମାନେ ହେଲେ ଭବାନୀପାଟଣା ସହରର ଏମଡି ସାକିଦ ପ୍ରରବେଦ ଓ ଥୁଆମୂଳ ରାମପୁର ଅଞ୍ଚଳର ଉଦୟ ନାଏକ ବୋଲି ପୋଲିସ ସୂଚନା ଦେଇଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
