ଭବାନୀପାଟଣା: କଳାହାଣ୍ଡି ଜିଲ୍ଲା କୋକସରା ବ୍ଲକ ଭୂର୍ଷାଗୁଡା ଠାରେ ବିଜେଡ଼ିର କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି l ଜିଲ୍ଲା ସଭାପତି ପୁଷ୍ପେନ୍ଦ୍ର ସିଂଦେଓ ଏହି ସମ୍ମିଳନୀର ଅଧକ୍ଷତା କରିଥିଲେ । ଜିଲ୍ଲାର ବିଭିନ୍ନ ସମସ୍ୟା ବାବଦରେ ଦଳୀୟ କର୍ମୀଙ୍କ ମଧ୍ୟରେ ଆଲୋଚନା କରାଯାଇଛି ।
ସେହିପରି ଅନୁଷ୍ଠିତ ସମ୍ମିଳନୀରେ ମୁଖ୍ୟ ଅତିଥି ଭାବେ ସ୍ବାସ୍ଥ୍ୟ ମନ୍ତ୍ରୀ ନବ ଦାସ, ଗୃହରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର ଯୋଗଦେଇ ଥିବବେଳେ ଧର୍ମଗଡ଼ ବିଧାୟକ ମୌଷଧି ବାଗ ନର୍ଲା ବିଧାୟକ ଭୁପିନ୍ଦର ସିଂ ପ୍ରମୁଖ ଯୋଗ ଦେଇଥିଲେ । ଏହି ଅବସରରେ ମୁଖ୍ୟ ଅତିଥି ଭାବେ ସ୍ୱାସ୍ଥ୍ୟ ମନ୍ତ୍ରୀ ନବ ଦାସ ଯୋଗଦେଇ ପ୍ରଥମେ କୋକସରା ବ୍ଲକରେ ପହଞ୍ଚି କୋକସରା ହସ୍ପିଟାଲ ପରିଦର୍ଶନ କରି ଭିତ୍ତିଭୂମିର ସମୀକ୍ଷା କରିଥିଲେ । ପରେ ଜିଲ୍ଲାସ୍ଥରରେ ବିଜେଡ଼ି ସଙ୍ଗଠନ ସୁଦୃଢ ପାଇଁ ପ୍ରତି ୱାର୍ଡ ପଞ୍ଚାୟତ ଓ ଜିଲ୍ଲା ପରିଷଦ ଜୋନସ୍ତରରେ ରଣନୀତି ପ୍ରସ୍ତୁତ କରାଯିବା ସହ ଅଞ୍ଚଳର ବିକାଶ କେତେଦୂର ହୋଇଛି ଏବଂ ସମସ୍ୟା ବାବଦରେ ସିଧାସଳଖ କର୍ମୀଙ୍କ ସହ ଆଲୋଚନା କରିଥିଲେ l
ତେବେ ପ୍ରତି ପଞ୍ଚାୟତସ୍ତରରେ ରହିଥିବା ସମସ୍ୟା ଉପରେ ଆଲୋଚନା କରିଥିଲେ ଉଭୟ ମନ୍ତ୍ରୀ ଓ ବିଧାୟକ l ଏହି କାର୍ଯ୍ୟକ୍ରମରେ ନବ ଦାସଙ୍କ ସମେତ ମୁଖ୍ୟ ଅତିଥି ଭାବେ ଗୃହରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର, ଧର୍ମଗଡ ବିଧାୟକ ମୌଷଧି ବାଗ ନର୍ଲା ଏବଂ ବିଧାୟକ ଭୁପିନ୍ଦର ସିଂଙ୍କ ସମେତ ଅଞ୍ଚଳର ବହୁ ନେତା ଓ କର୍ମୀ ଯୋଗଦେଇ ନିଜର ମତ ପ୍ରକାଶ କରିଥିଲେ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
