ଭବାନୀପାଟଣା: କଳାହାଣ୍ଡି ଜିଲ୍ଲା ନର୍ଲା ଥାନା ଅନ୍ତର୍ଗତ ଶ୍ରୀପାଲି ଛକ ନିକଟରେ ଘଟିଛି ଏକ ସଡକ ଦୁର୍ଘଟଣା । ଭାରସାମ୍ୟ ହରାଇ ପୋଲତଳକୁ ଏକ ବାଇକ ଖସିପଡିବାରୁ ବାଇକ ଚାଳକଙ୍କର ମୃତ୍ୟୁ ଘଟିଛି । ମୃତ ଚାଳକଙ୍କର ପରିଚୟ ଅସ୍ପଷ୍ଟ, ପୋଲିସର ତଦନ୍ତ ଜାରି ।
ଭାରସାମ୍ୟ ହରାଇ ପୋଲତଳକୁ ଖସିଲା ବାଇକ, ଚାଳକ ମୃତ
ସୂଚନା ଅନୁଯାୟୀ, ନର୍ଲା ଥାନା ଅନ୍ତର୍ଗତ ସେରଗଡ଼ରୁ ଜଣେ ବାଇକ ଆରୋହୀ ଶ୍ରୀପାଲି ପଟୁ ଆସୁଥିଲେ । ଏହିସମୟରେ ଭାରସାମ୍ୟ ହରାଇ ବାଇକଟି ପୋଲ ତଳକୁ ଖସି ପଡ଼ିଥିଲା । ଫଳରେ ଘଟଣା ସ୍ଥଳରେ ହିଁ ବାଇକ ଆରୋହୀଙ୍କ ପ୍ରାଣହାନୀ ଘଟିଛି । ସ୍ଥାନୀୟ ଲୋକେ ଏନେଇ ପୋଲିସକୁ ଖବର ଦେଇଥିଲେ । ଖବର ପାଇ ନର୍ଲା ପୋଲିସ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟପଟେ ମୃତ ବାଇକ ଆରୋହୀଙ୍କ ପରିଚୟ ଅସ୍ପଷ୍ଟ ଥିବାବେଳେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
