ଭବାନୀପାଟଣା: ପୁଣି ରାସ୍ତାକୁ ଆସିଲା ଜନନୀ ଯନ୍ତ୍ରଣାର କରୁଣ ଦୃଶ୍ୟ । କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ସାନଚେରଗାଁ କର୍ଲାପଡାରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ରାସ୍ତା ଖରାପ ଯୋଗୁଁ ୧୦୮ ଆମ୍ବୁଲାନ୍ସ ଗାଁରେ ପହଞ୍ଚିପାରିନଥିଲା । ଫଳରେ ଗର୍ଭବତୀ ମହିଳାଙ୍କୁ ଏକାଧିକ କିଲୋମିଟର ବାଟ ଚାଲିଚାଲି ଆମ୍ବୁଲାନ୍ସ ପାଖକୁ ଆସିବାକୁ ପଡିଥିଲା ।
ପହଞ୍ଚିପାରିଲାନି ଆମ୍ବୁଲାନ୍ସ ,କାଦୁଅ ରାସ୍ତାରେ ଚାଲିଲେ ଗର୍ଭବତୀ ମହିଳା
ଗାଁ ଲୋକେ ବାଧ୍ୟ ହୋଇ ଗର୍ଭବତୀଙ୍କୁ ଅଧାବାଟ ବୋହି ଆଣିଥିବାବେଳେ ଆଉ ଅଧାବାଟ ସେ ନିଜେ ଚାଲି ଚାଲି ଆମ୍ବୁଲାନ୍ସରେ ବସିଥିବାର ଦୃଶ୍ୟ ଦେଖିବାକୁ ମିଳିଥିଲା । ଫଳରେ ଏହି ଦୃଶ୍ୟ ଜନମଙ୍ଗଳ ରାଷ୍ଟ୍ରରେ ସରକାରଙ୍କ ଲୋକହିତକର ଯୋଜନା ଉପରେ ସୃଷ୍ଟି କରିଛି ଅନେକ ପ୍ରଶ୍ନବାଚୀ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
