କଳାହାଣ୍ଡି: ପୁଣି ଚଳଚଞ୍ଚଳ କଳାହାଣ୍ଡି ଜିଲ୍ଲାର ସୁପରିଚିତ ପର୍ଯ୍ୟଟନସ୍ଥଳୀ ଫୁର୍ଲିଝରଣ ଜଳପ୍ରପାତ । ପ୍ରାୟ ୨ ବର୍ଷ ହେବ କର୍ଲାପାଟ ଅଭୟାରଣ୍ୟ ପରିସରରେ ଥିବା ଏହି ପର୍ଯ୍ୟଟନସ୍ଥଳୀ ଦର୍ଶକଙ୍କ ପାଇଁ ସୁରକ୍ଷା ଦୃଷ୍ଟିକୋଣରୁ ବନ୍ଦ ରହିଥିବାବେଳେ ଆଜି ପୁନଃମରାମତି ପରେ ପର୍ଯ୍ୟଟକଙ୍କ ପାଇଁ ଖୋଲାଯାଇଛି ।
ପ୍ରାଥମିକ ପର୍ଯ୍ୟାୟରେ ମରାମତି ପାଇଁ ୨ ଲକ୍ଷ ୫୦ ହଜାର ଟଙ୍କା ବ୍ୟୟ ଅଟକଳରେ ଏହାର ପୁନଃରୁଦ୍ଧାର କରାଯାଇଛି । ଆଗାମୀ ଦିନରେ ଏହି ପର୍ଯ୍ୟଟନସ୍ଥଳୀର ବିକାଶ ସହ ଆନୁସଙ୍ଗିକ ବ୍ୟବସ୍ଥା ପାଇଁ ବିଭାଗ ପକ୍ଷରୁ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯାଇଥିବା ବନାଞ୍ଚଳ ଅଧିକାରୀ ପ୍ରକାଶ କରିଛନ୍ତି ।
ଭିଡିଓ ସୌଜନ୍ୟ : ସମ୍ବାଦଦାତା,କଳାହାଣ୍ଡି
ଦୀର୍ଘ ୨ ବର୍ଷ ପରେ ଜଳପ୍ରପାତକୁ ଉପଭୋଗ କରିବାର ସୁଯୋଗ ମିଳିଥିବାରୁ ପର୍ଯ୍ୟଟକଙ୍କ ଭିତରେ ବେଶ ଉତ୍ସାହ ଦେଖିବାକୁ ମିଳିଛି । ତେବେ ଏସବୁ ଭିତରେ ଏହାର ରକ୍ଷଣାବେକ୍ଷଣା ନେଇ ବିଭାଗ ଏକ ଆବଶ୍ୟକ ପଦକ୍ଷେପ ନେବା ପାଇଁ ପର୍ଯ୍ୟଟକ ମହଲରେ ମତ ପ୍ରକାଶ ପାଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
