ଭବାନୀପୀଟଣା: କଳାହାଣ୍ଡିରେ ଉଦଘାଟିତ ହୋଇଯାଇଛି ଦ୍ଵିତୀୟ ପ୍ରଶାସନିକ କପ୍ କ୍ରିକେଟ ଟୁର୍ଣ୍ଣାମେଣ୍ଟ । ବେଦାନ୍ତ ଲିମିଟେଡ ଓ ଉତ୍କଳ ଆଲୁମିନା ଜିଲ୍ଲା ପ୍ରଶାସନ ମିଳିତ ଆନୁକୂଲ୍ୟରେ କଳାହାଣ୍ଡି ବିଶ୍ଵ ବିଦ୍ୟାଳୟ କ୍ରୀଡା ପଡ଼ିଆରେ ଏହି ଜିଲ୍ଲା ସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟର ଉଦଘାଟନ ହୋଇଛି । ସରକାରୀ କର୍ମଚାରୀମାନଙ୍କୁ ଉତ୍ସାହିତ କରିବା ପାଇଁ ଜିଲ୍ଲା ପ୍ରଶାସନ ଦ୍ବାରା ଏହି ଟୁର୍ଣ୍ଣାମେଣ୍ଟର ଆୟୋଜନ କରାଯାଇଛି । କଳାହାଣ୍ଡି ବିଶ୍ଵବିଦ୍ୟାଳୟ ଖେଳ ପଡିଆ,ବିକାଶ ଶିକ୍ଷାନୁଷ୍ଠାନ ଖେଳ ପଡିଆ ଓ ରିସର୍ଭ ପୋଲିସ ପଡିଆରେ ଅନୁଷ୍ଠିତ ହେଉଛି ଟୁର୍ଣ୍ଣାମେଣ୍ଟ । ମୋଟ ୨୫ଟି ଦଳ ଏଥିରେ ଭାଗ ନେଇଛନ୍ତି ।
ସ୍ବାସ୍ଥ୍ୟ ଟିମ୍, ଭବାନୀପାଟଣା ବ୍ଲକ, ସବ୍ କଲେକ୍ଟର, ଧର୍ମଗଡ ଟିମ୍,ଲାଞ୍ଜିଗଡ ବ୍ଲକ, ଜୁଡ଼ିସିଆଲ ଟିମ୍, ଅର୍ବାନ ବିଭାଗ ଟିମ୍, କେସିଙ୍ଗା ବ୍ଲକ, ଏସ୍ ପି ଏକାଦଶ, କଲମପୁର ବ୍ଲକ, ନର୍ଲା ବ୍ଲକ, ଜୁନାଗଡ ବ୍ଲକ, ଅବକାରୀ ବିଭାଗ ଟିମ୍, ସି ଆର୍ ପି ଏଫ ଟିମ୍, ଜିଲ୍ଲାପାଳ ଏକାଦଶ A, କୋକସରା ବ୍ଲକ ଭାଗ ନେଇଛନ୍ତି । ସେହିପରି ଥୁଆମୂଳ ରାମପୁର ବ୍ଲକ,ଧର୍ମଗଡ଼ ବ୍ଲକ, ଆଇଟିଡିଏ ଟିମ୍, ଜୟପାଟଣା ବ୍ଲକ,ଗୋଲାମୁଣ୍ଡା ବ୍ଲକ, ବନ ବିଭାଗ ଟିମ୍, କର୍ଲାମୁଣ୍ଡା ବ୍ଲକ, ଏମ ରାମପୁର ବ୍ଲକ,ଜିଲ୍ଲାପାଳ ଏକାଦଶ B, ଟିପିଡବ୍ଲୁ ଓ ଡି ଏଲ୍ ଟିମ୍ ଟୁର୍ଣ୍ଣାମେଣ୍ଟରେ ରହିଛନ୍ତି ।
ଉଦଘାଟନୀ କାର୍ଯ୍ୟକ୍ରମରେ ଜିଲ୍ଲା ଓ ଦୌରା ଜଜ ଦୀପ୍ତି ରଞ୍ଜନ କାନୁନଗୋ,ଅତିରିକ୍ତ ଜିଲ୍ଲାପାଳ ସୁଶାନ୍ତ କୁମାର ପଟେଲ ପ୍ରମୁଖ ଅତିଥି ଭାବରେ ଯୋଗ ଦେଇ ଆନୁଷ୍ଠାନିକ ଭାବରେ ଟୁର୍ଣ୍ଣାମେଣ୍ଟକୁ ଉଦଘାଟନ କରିଥିଲେ।
ଏନେଇ ଲାଞ୍ଜିଗଡ ବେଦାନ୍ତ ସିଇଓ ଗୋବିନ୍ଦ ଗୋପାଳ ପଲ କହିଛନ୍ତି ଯେ,''ଏପରି ଟୁର୍ଣ୍ଣାମେଣ୍ଟର ଆୟୋଜନ କରିଥିବାରୁ କଳାହାଣ୍ଡି ଜିଲ୍ଲାପାଳଙ୍କୁ ମୁଁ ପ୍ରଥମେ ଶୁଭେଚ୍ଛା ଜଣାଉଛି । ଖେଳ ଦ୍ବାରା ସମସ୍ତଙ୍କ ଭିତରେ ଥିବା ଫିଟନେସ ଜଣାପଡିବା ସହ ଭାଇଚାରା ମଧ୍ୟ ବଢିଥାଏ । ଆମର ଉଦ୍ଦେଶ୍ୟ କଳାହାଣ୍ଡି ଜିଲ୍ଲାର ଲାଞ୍ଜିଗଡ ବ୍ଲକରୁ କେହି ଇଣ୍ଡିଆନ ଅଲମ୍ପିକରେ ମେଡାଲ ଆଣନ୍ତୁ, ସେଥିପାଇଁ ଏପରି ପୋଗ୍ରାମର ଆୟୋଜନ କରାଯାଉଛି । ''
ଇଟିଭି ଭାରତ, କଳାହାଣ୍ଡି
