ଭବାନୀପାଟଣା: କଳାହାଣ୍ଡିରେ ଚାଞ୍ଚଲ୍ୟ । ବସ୍ଷ୍ଟାଣ୍ଡ ଠେଲା ଗାଡିରୁ ମିଳିଲା ମୃତଦେହ । ଏଭଳି ଏକ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଭବାନୀପାଟଣା ସହରରେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ବସଷ୍ଟାଣ୍ଡ ଠେଲାରୁ ଯୁବକଙ୍କ ମୃତଦେହ ଉଦ୍ଧାର
ସୂଚନାଅନୁସାରେ, ଭବାନୀପାଟଣା ସହରର ନୂଆ ବସଷ୍ଟାଣ୍ଡ ଠାରେ ଏକ ଠେଲାରେ ଜଣେ ଯୁବକ ମୃତ ଅବସ୍ଥାରେ ପଡ଼ିଥିବା ଦୋକାନ ମାଲିକ ଦେଖିବାକୁ ପାଇଥିଲେ । ତୁରନ୍ତ ଏନେଇ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ମୃତଦେହ ବ୍ୟବଚ୍ଛେଦ ଲାଗି ନିକଟସ୍ଥ ମେଡିକାଲକୁ ପଠାଇଛି । ମୃତକ ଜଣକ ଭବାନୀପାଟଣା ସହରର କାଳୀମନ୍ଦିର ପଡ଼ାର କାଳିଆ ମାଝୀ ବୋଲି ଜଣାପଡ଼ିଛି । ତେବେ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
