ଭବାନୀପାଟଣା: ମହଙ୍ଗା ପଡିଲା ମାଓବାଦୀ ନାଁରେ ଟଙ୍କା ଆଦାୟ। 10 ଲକ୍ଷ ଟଙ୍କା ଚାନ୍ଦା ମାଗି ପୋଲିସ ଜାଲରେ ଫସିଗଲେ 3 ନକଲି ମାଓବାଦୀ । ଘଟଣା ଘଟିଛି କଳାହାଣ୍ଡି ଜିଲ୍ଲା ଜୟପାଟଣା ଥାନା ଅଞ୍ଚଳରେ । ବଡ଼ପୁଝାରିଗୁଡା ଗାଁର ତୁଳସୀରାମ ନାଏକଙ୍କୁ କିଛି ଲୋକ ଫୋନ କରି 'ଆମେ ମାଓବାଦୀ, 10 ଲକ୍ଷ ଟଙ୍କା ଦିଅ ନହେଲେ ଜୀବନରୁ ମାରିଦେବୁ ବୋଲି ଧମକ ଦେଇଥିଲେ'।
ଟଙ୍କା ଆଦାୟ ନାଁରେ ପୋଲିସ ପଞ୍ଝାରେ ତିନି ନକଲି ମାଓବାଦୀ
ତୁଳସୀରାମ ଏ ନେଇ ଜୟପାଟଣା ପୋଲିସକୁ ସୂଚନା ଦେବା ପରେ ପୋଲିସ ତତ୍ପରତା ଦେଖାଇ ମୋବାଇଲ ଟ୍ରାକିଂ କରି ଏହି ଘଟଣାରେ ସମ୍ପୃକ୍ତ 3 ଜଣ ଯୁବକଙ୍କୁ ଗିରଫ କରିଛି। ଗିରଫ 2 କୋକସରା ଥାନା ଅଞ୍ଚଳର ହୋଇଥିବାବେଳେ ଆଉ ଜଣେ ଜୟପାଟଣା ଅଞ୍ଚଳର ବୋଲି ସୂଚନା ଦେଇଛି ପୋଲିସ ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
