ଝାରସୁଗୁଡ଼ା: ରେଳ ଧାରଣାରୁ ଯୁବକଙ୍କ ମୃତଦେହ ଉଦ୍ଧାର । ବେଲପାହାଡ଼ ନୂଆପଡ଼ା ନିକଟସ୍ଥ ରେଳ ଧାରଣାରୁ ଦେହ ଓ ଅଲଗା ହୋଇଯାଇଥିବା ମୁଣ୍ଡ ଜବତ କଲା ରେଳବାଇ ପୋଲିସ । ମୃତକ ହେଉଛନ୍ତି ସ୍ଥାନୀୟ କାଡୁପଡ଼ାର ସୋନୁମୋଦୀ କିଶାନ(୪୦) ।
ରେଳ ଧାରଣାରୁ ଯୁବକଙ୍କ ମୃତଦେହ ଉଦ୍ଧାର
ସୂଚନା ଅନୁସାରେ, ସୋନୁ ଗତକାଲି(ଶୁକ୍ରବାର) ରାତିରେ ପରିବାର ଲୋକଙ୍କ ସହ ରାତ୍ର ଭୋଜନ କରିବା ପରେ ଘରୁ ବାହାରକୁ ଯାଇଥିଲେ । ଏହାପରେ ଆଉ ନ ଫେରିବାରୁ ପରିବାର ଲୋକେ ବହୁ ଖୋଜାଖୋଜି କରିବା ପରେ ନୂଆପଡ଼ା ନିକଟସ୍ଥ ରେଳ ଧାରଣା ନିକଟରେ ତାଙ୍କ ମୃତଦେହ ପଡ଼ିଥିବା ଦେଖିବା ରେଳବାଇ ପୋଲିସକୁ ଖବର ଦେଇଥିଲେ । ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବାସହ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ତେବେ ଏହା ହତ୍ୟା ନା ଆତ୍ମହତ୍ୟା ବ୍ୟବଚ୍ଛେଦ ରିପୋର୍ଟ ଆସିଲେ ସ୍ପଷ୍ଟ ହେବ ।
ଇଟିଭି ଭାରତ, ଝାରସୁଗୁଡ଼ା
