ଝାରସୁଗୁଡ଼ା: କ୍ରମାଗତ ବଢ଼ି ଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଚିନ୍ତାରେ ବିଶ୍ବବାସୀ । ତେବେ ସରକାର ଏନେଇ ସାମାଜିକ ଦୂରତ୍ବ ରକ୍ଷା କରିବାକୁ ସମସ୍ତଙ୍କୁ ପରାମର୍ଶ ଦେଉଛନ୍ତି । ଏପଟେ ଝାରସୁଗୁଡ଼ା ଜିଲ୍ଲା ବ୍ରଜରାଜନଗର ଠାରେ ଥିବା ଏମ. ସି. ଏଲ ପରିଚାଳିତ ଓରିଏଣ୍ଟ ଓ ବୁନ୍ଦିଆ ଭୂତଲ କୋଇଲା ଖଣିରେ କାର୍ଯ୍ୟରତ ଶ୍ରମିକମାନେ ସାନିଟାଇଜର ଓ ସାମାଜିକ ଦୂରତା ଦାବି କରି କାମ ବନ୍ଦ କରିଥିବା ଦେଖିବାକୁ ମିଳିଛି ।
ସମସ୍ତ ସୁବିଧା ନଦେବା ଯାଏଁ ଖଣିରେ ଶ୍ରମିକଙ୍କ କାର୍ଯ୍ୟବନ୍ଦ ଆନ୍ଦୋଳନ
କିନ୍ତୁ ସେପଟେ ଏମ ସି ଏଲ କୋଇଲା ଖଣି କର୍ତ୍ତୃପକ୍ଷ କୋଭିଡ଼19ର ନିୟମକୁ ଖୋଲାଖୋଲି ଉଲ୍ଲଂଘନ କରୁଥିବା ଶ୍ରମିକଙ୍କ ଅଭିଯୋଗ ହୋଇଛି । ଫଳରେ ନିଜକୁ ସୁରକ୍ଷିତ ମନେ କରୁନାହାନ୍ତି ଶ୍ରମିକମାନେ । ସେଥିପାଇଁ ନିଜ ସୁରକ୍ଷା ଦାବିରେ କାମ ବନ୍ଦ କରି ଖଣି ପରିସରରେ ଉପସ୍ଥିତ ରହିଛନ୍ତି ଏହି ଶ୍ରମିକମାନେ ।
ଝାରସୁଗୁଡ଼ାରୁ ରବି ନାରାୟଣ ସାହୁ, ଇଟିଭି ଭାରତ
