ଝାରସୁଗୁଡ଼ା: ସ୍ବୟଂ ସହାୟକ ଗୋଷ୍ଠୀ ମାଧ୍ୟମରେ ଆଗାମୀ ଖରିଫ ଧାନ କିଣିବା ପାଇଁ ବ୍ୟବସ୍ଥା କରାଯାଉ ବୋଲି ଝାରସୁଗୁଡା ଜିଲ୍ଲାର ବିଭିନ୍ନ ଏସଏଚଜି ଗ୍ରୁପ ପକ୍ଷରୁ ଦାବି କରାଯାଇଛି । ଏହି ଦାବି ନେଇ ଆଜି ବିଭିନ୍ନ ଏସଏଚଜି ଗ୍ରୁପର ମହିଳାମାନେ ଜିଲ୍ଲାପାଳ ଏବଂ ଜିଲ୍ଲା ସାମାଜିକ କଲ୍ୟାଣ ଅଧିକାରୀଙ୍କୁ ଦାବିପତ୍ର ପ୍ରଦାନ କରିଛନ୍ତି ।
ମହିଳମାନେ କହିଛନ୍ତି ଯେ, ଗତବର୍ଷ ସମବାୟ ସମିତି କର୍ମଚାରୀମାନେ ଆନ୍ଦୋଳନ କରିବାରୁ ସରକାର ସ୍ବୟଂ ସହାୟକ ଗୋଷ୍ଠୀ ଗୁଡିକୁ ଧାନ କ୍ରୟ କରିବା ପାଇଁ କହିଥିଲେ । ସ୍ବୟଂ ସହାୟକ ଗୋଷ୍ଠୀର ସଦସ୍ୟମାନେ ଏଥିପାଇଁ ଆବଶ୍ୟକ କମ୍ପ୍ୟୁଟର, ଓଜନ ମେସିନ ପରି ସମସ୍ତ ଉପକରଣ କିଣିବା ସହ ସୁରୁଖୁରୁରେ ଧାନ କ୍ରୟ କରିଥିଲେ । ହେଲେ ରବି ଫସଲକୁ ଚଳିତ ବର୍ଷ ପୁଣି ସମବାୟ ସମିତି ମାଧ୍ୟମରେ କିଣାଯାଇଛି । ଫଳରେ ଖରିଫ ଫସଲ କିଣିବା ପାଇଁ ବିଭିନ୍ନ ଉପକରଣ କିଣିଥିବା ଏସଏଚଜି ଗୋଷ୍ଠୀର ମହିଳାମାନେ କ୍ଷତି ସହିଛନ୍ତି । ତେଣୁ ଆଗାମୀ ଖରିଫ ଫସଲକୁ ସ୍ବୟଂ ସହାୟକ ଗୋଷ୍ଠୀ ମାଧ୍ୟମରେ କିଣାଗଲେ ଉଭୟ ଚାଷୀ ଏବଂ ମହିଳାମାନେ ଉପକୃତ ହୋଇପାରିବେ ବୋଲି କୁହାଯାଇଛି ।
ଇଟିଭି ଭାରତ, ଝାରସୁଗୁଡ଼ା
