ଝାରସୁଗୁଡ଼ା: ଜିଲ୍ଲାର ବାଇପାସରେ ଦୁର୍ଘଟଣା । ଏକ ବାଇକ ଉପରେ ଟ୍ୟାଙ୍କର ମାଡ଼ିଯିବା ଫଳରେ ଘଟଣାସ୍ଥଳରେ ହିଁ 2 ଜଣଙ୍କର ମୃତ୍ୟୁ ହୋଇଛି । ମୃତକ ଦୁଇ ଜଣ ହେଲେ ସରବାହଲ ଗୌରପଡାର ନିତିନ ସରାପ ଓ ସୁମିତ ସାହୁ ।
ସୂଚନାମୁତାବକ, ଜିଲ୍ଲାର ବଡ଼ମାଲ ଥାନା ରେନଲଟ ସୋ ରୁମ ପାଖରେ ଏକ ବାଇକ ଉପରେ ପଛପଟୁ ଆସୁଥିବା ଟ୍ୟାଙ୍କରଟି ଚଢିଯିବା ଫଳରେ ଘଟଣାସ୍ଥଳରେ ହିଁ ବାଇକ ଚାଳକ ଓ ପଛରେ ବସିଥିବା ଜଣେ ଯୁବକଙ୍କର ମୃତ୍ୟୁ ହୋଇଥିଲା । ତେବେ ଟ୍ୟାଙ୍କରଟି ବାଇକଟିକୁ ଧକ୍କା ଦେଇ ଘଟଣାସ୍ଥଳରେ ହିଁ ଓଲଟି ପଡିଥିଲା । ଏନେଇ ଉତ୍ତ୍ୟକ୍ତ ସ୍ଥାନୀୟ ଲୋକେ ରାସ୍ତାରୋକ କରିଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଛି ।
ଝାରସୁଗୁଡ଼ାରୁ ରବି ନାରାୟଣ ସାହୁ, ଇଟିଭି ଭାରତ
