ଝାରସୁଗୁଡା: ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମରେ ଯୋଗଦେବାକୁ ଯାଉଥିବେ ବେଳେ ଦୁର୍ଘଟଣାର ସମ୍ମୁଖିନ ହୋଇଛିପୋଲିସ । ଝାରସୁଗୁଡ଼ାରୁ ବନହରପାଲିକୁ ଯାଉଥିବା ବେଳେ ବେଲପାହାଡ଼ ନିକଟରେ ପୋଲିସଙ୍କ ଗାଡ଼ିକୁ ପିଟିଥିଲା ଟ୍ରକ । ଫଳରେ ଘଟଣାସ୍ଥଳରେ 2 ପୋଲିସଙ୍କ ମୃତ୍ୟୁ ହୋଇଥିବା ବେଳେ 20ରୁ ଊର୍ଦ୍ଧ୍ୱଗୁରୁତର ହୋଇଛନ୍ତି।
ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବନହରପାଲିଠାରେ ଥିବା ଓପିଜିସିର ୨ୟ ଓ ୩ୟ ୟୁନିଟର ଉଦଘାଟନ କରିବାର କାର୍ଯ୍ୟକ୍ରମ ରହିଛି । ପୋଲିସଙ୍କୁ ଭ୍ୟାନଟି ମୁଖ୍ୟମନ୍ତ୍ରୀଙ୍କ ସୁରକ୍ଷା ବ୍ୟବସ୍ଥା ପାଇଁ କାର୍ଯ୍ୟକ୍ରମକୁ ଯାଉଥିଲେ। ତେବେ ବେଲପାହାଡ଼ ନିକଟରେ ସକାଳ ପ୍ରାୟ ସାଢେ 6ଟା ସମୟରେ ଭ୍ୟାନକୁ ଦ୍ରୁତଗତିରେ ଆସୁଥିବା ଟ୍ରକ ଧକ୍କା ଦେଇଥିଲା । ଫଳରେ ଦୁଇ ପୋଲିସ କର୍ମୀଙ୍କ ମୃତ୍ୟୁ ଘଟିଥିବା ବେଳେ ପ୍ରାୟ 20ରୁ ଊର୍ଦ୍ଧ୍ୱପୋଲିସ କର୍ମୀ ଆହତ ହୋଇଛନ୍ତି।
ଆହତଙ୍କ ମଧ୍ୟରୁ କେତେକଙ୍କ ଅବସ୍ଥା ଗୁରୁତର ଅଛି । ଆହତଙ୍କୁ ନିକଟସ୍ଥ ଟିଆରଏଲ ହସ୍ପିଟାଲ ଓ ମଣ୍ଡଳିଆ ସେଣ୍ଟ୍ରାଲ ହସ୍ପିଟାଲରେ ଭର୍ତ୍ତି କରାଯାଇଥିଲା ପରେ ବୁର୍ଲା ସ୍ଥାନାନ୍ତରିତ କରାଯାଇଛି। ଆହତପ୍ରାପ୍ତ ପୋଲିସକର୍ମୀଓଏସଏପି ୨ୟ ବାଟାଲିୟନର ବୋଲି ଜଣାପଡିଛି।
ଝାରସୁଗୁଡାରୁ ରବିନାରାୟଣ ସାହୁ, ଇଟିଭି ଭାରତ
