ଝାରସୁଗୁଡ଼ା: ଝାରସୁଗୁଡ଼ା ଟାଉନଥାନା ଆଇଆଇସି, ସାବିତ୍ରୀ ବଳଙ୍କୁ 2021-2022 ଆର୍ଥିକ ବର୍ଷ ପାଇଁ ଡି.ଜି.ପି.ର ଡିସ୍କ ପୁରସ୍କାର ପାଇଁ ମନୋନୀତ କରାଯାଇଛି । ତାଙ୍କର ଭଲ କାର୍ଯ୍ୟଶୈଳୀ, ଏବଂ ଜଣେ ମହିଳା ହୋଇ ସମାଜ ପାଇଁ ଜନମଙ୍ଗଳ କାର୍ଯ୍ୟରେ ସହଯୋଗ, କୋରୋନା କାଳରେ ଆଗଧାଡିର ଯୋଦ୍ଧା ହୋଇ ବୀରତ୍ବର ସହିତ ଜନସେବା କରିବା ନେଇ ପୁରସ୍କୃତ କରାଯାଇଛି ।
ଆଇଆଇସି ସାବିତ୍ରୀ ବଳଙ୍କ ଯୋଗୁଁ ଝାରସୁଗୁଡ଼ାରେ ଥମିଛି ଅନେକ ସମସ୍ୟା । ଚୋରୀ, ଲୁଟ ଭଳି ନାନା ସମସ୍ୟାରୁ ମୁକ୍ତି ପାଇଛନ୍ତି ଲୋକେ । ତାଙ୍କର ଏହି ସଫଳତାକୁ ନେଇ ସମଗ୍ର ଝାରସୁଗୁଡ଼ାବାସୀଙ୍କ ପକ୍ଷରୁ ଛୁଟୁଛି ଶୁଭେଚ୍ଛାର ସୂଅ ।
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
