ଝାରସୁଗୁଡା: ଜିଲ୍ଲା ଵାଲଜୋରିରେ ନିର୍ମାଣଧୀନ ଥିବା ନୂତନ ବସଷ୍ଟାଣ୍ଡ ଓ ବେହେରାମାଲରେ ନୂତନ ଭାବେ ନିର୍ମାଣ ହେଉଥିବା କମ୍ୟୁନିଟି ହଲର କାର୍ଯ୍ୟକୁ ତଦାରଖ କରିଛନ୍ତି ସ୍ବାସ୍ଥ୍ୟ ମନ୍ତ୍ରୀ ନବଦାସ । ସ୍ବାସ୍ଥ୍ୟମନ୍ତ୍ରୀ ଉଭୟ ସ୍ଥାନକୁ ପରିଦର୍ଶନ କରି କାର୍ଯ୍ୟର ଅଗ୍ରଗତି ଓ ମାନର ତଦାରଖ କରିଛନ୍ତି l ‘‘ଏହି ଅତ୍ୟାଧୁନିକ ନୂତନ ବସଷ୍ଟାଣ୍ଡ କାର୍ଯ୍ୟକ୍ଷମ ହେବାପରେ ଝାରସୁଗୁଡାବାସୀ ବହୁ ମାତ୍ରାରେ ଉପକୃତ ହୋଇପାରିବେ । ଏହାକୁ ଜିଲ୍ଲା ବସଷ୍ଟାଣ୍ଡ କରାଯିବା ସହ ପୁରୁଣା ବସଷ୍ଟାଣ୍ଡକୁ ସିଟି ବସଷ୍ଟାଣ୍ଡ ଭାବରେ କାର୍ଯ୍ୟକ୍ଷମ କରାଯିବ l’’
ଅନ୍ୟପଟେ ନିର୍ମାଣଧୀନ ଥିବା କମ୍ୟୁନିଟି ହଲକୁ ଝାରସୁଗୁଡା ଜିଲ୍ଲାର ସର୍ବବୃହତ କମ୍ୟୁନିଟି ହଲ ଭାବରେ ତିଆରି କରାଯାଉଛି । ଯେଉଁଥିରେ ଜିଲ୍ଲାର ବିଭିନ୍ନ କାର୍ଯ୍ୟକ୍ରମକୁ ସୁରୁଖୁରୁରେ ପରିଚାଳନା କରାଯାଇପାରିବ । କୋରୋନା ଯୋଗୁଁ ଉଭୟ ପ୍ରକଳ୍ପର ନିର୍ମାଣ କାର୍ଯ୍ୟ ଧିମେଇ ଯାଇଛି । ତେବେ ଖୁବଶୀଘ୍ର ଏହା କାର୍ଯ୍ୟକ୍ଷମ ହେବ । ଏହା ଝାରସୁଗୁଡା ନୂତନ ନିର୍ମାଣର ଅଂଶ ବିଶେଷ ବୋଲି କହିଛନ୍ତି ସ୍ବାସ୍ଥ୍ୟମନ୍ତ୍ରୀ l
ଇଟିଭି ଭାରତ,ଝାରସୁଗୁଡ଼ା
