ଝାରସୁଗୁଡା: ସ୍ଥାନୀୟ ବାଇପାସ ବେହେରାପାଟ ଅନ୍ତର୍ଗତ ହୋଣ୍ଡା ଶୋ’ ରୁମରେ ଚୋରୀ । କେହି ଦୁର୍ବୃତ୍ତ ଶୋ’ ରୁମର କବାଟ ତାଡି ପଶିବା ସହ ଶୋ’ ରୁମର କ୍ୟାସ କାଉଣ୍ଟର ପାଖରେ ଥିବା ଲକର ଉଠାଇ ନେଇଥିବା ଜଣା ପଡିଛି । ଏଥିସହ କିଛି ବାଇକର ପାର୍ଟ ମଧ୍ୟ ଚୋରୀ କରିଛନ୍ତି ଦୁର୍ବୃତ୍ତ ।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା
ଘଟଣାରେ ପାଖାପାଖି 9 ଲକ୍ଷ ଟଙ୍କା ଚୋରୀ ହୋଇଥିବା ବେଳେ ଏନେଇ ଶୋ’ ରୁମ ମାଲିକ ହରିଶ ମୋଦୀ ବିଟିଏମ୍ ଫାଣ୍ଡିରେ ଲିଖିତ ଜଣାଇଛନ୍ତି । ତେବେ ଏହି ଲୁଟ ଶନିବାର କିମ୍ବା ଶୁକ୍ରବାର ରାତିରେ ହୋଇଥିବା ସନ୍ଦେହ କରିଛନ୍ତି ହରିଶ । କାରଣ ପ୍ରତି ଶନିବାର ଶୋ’ ରୁମ ବନ୍ଦ ରୁହେ ।
ଅନ୍ୟପଟେ ଘଟଣାରେ କିଛି ଶୋ’ ରୁମ କର୍ମଚାରୀଙ୍କ ହାତ ଥିବା ନେଇ ମଧ୍ୟ ସନ୍ଦେହ କରାଯାଉଛି । ଖବର ପାଇ ପୋଲିସ ତଦନ୍ତ ଆରମ୍ଭ କରିଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
