ଝାରସୁଗୁଡା: ଜିଲ୍ଲାରେ କୋରୋନାକୁ ନେଇ ସରକାରୀ କଟକଣାକୁ କଡ଼ାକଡ଼ି ପାଳନ କରିବାକୁ ପୋଲିସ ଓ ପ୍ରଶାସନ ପକ୍ଷରୁ ଉଦ୍ୟମ ଜାରି ରହିଛି । ଶେଷରେ ଲୋକଙ୍କୁ ମନାଇବା ପାଇଁ ହାତଯୋଡି ହାତରେ ପ୍ଲାକାର୍ଡ ଧରି ଠିଆ ହେବାକୁ ପଡିଲା ପୋଲିସକୁ | ତଥାପି ଲୋକେ ଅନେକାଂଶରେ ଏହାକୁ ମାନୁ ନଥିବା ଦେଖିବା ପାଇଁ ମିଳୁଥିବାରୁ ପୋଲିସ ଆରମ୍ଭ କରିଛି ଏକ ଅଭିନବ ଉପାୟ |
ଝାରସୁଗୁଡାରେ ଅମାନିଆ ଲୋକଙ୍କୁ ମନାଇବାର ଉପାୟ ଖୋଜିଛି | ପୋଲିସ ହାତରେ ନିଜ ସମସ୍ୟା ଲେଖା ସହ ଲୋକଙ୍କୁ ସୁରକ୍ଷିତ ରଖିବା ସଂପର୍କିତ ପ୍ଲାକାର୍ଡ ଧରି ହାତଯୋଡି ବୁଝାଇବାର ପ୍ରୟାସ କରୁଛି | ପ୍ଲାକାର୍ଡରେ ପୋଲିସ ନିଜର ସମସ୍ୟାକୁ ଉପସ୍ଥାପନ କରି ଅମାନିଆ ଲୋକଙ୍କୁ ବୁଝାଇବାକୁ ଚେଷ୍ଟା କରିଛି। ଝାରସୁଗୁଡା ପୋଲିସ ଆପଣଙ୍କ ସେବାରେ,ଆପଣଙ୍କୁ ସୁରକ୍ଷିତ ଭାବେ ଘରକୁ ଫେରାଇବା ଆମ ଦାୟିତ୍ବ, ମୋର ବି ଗୋଟିଏ 3ବର୍ଷର ଝିଅ ଅଛି , ମୋ ମାଙ୍କ ଦେହ ଖରାପ ଅଛି । ଏହିଭଳି ଅନେକ ମର୍ମସ୍ପର୍ଶୀ କଥା ଲେଖି ଲୋକଙ୍କୁ ମନାଇବାକୁ ଚେଷ୍ଟା କରିଛି ।
ଲକଡାଉନ ସମୟରେ ରାସ୍ତାରେ ଠିଆ ହୋଇ ପୋଲିସ ଲୋକଙ୍କୁ ଘରୁ ନବାହାରିବା ପାଇଁ ପ୍ରବର୍ତ୍ତାଉଥିବା ଦେଖିବାକୁ ମିଳୁଛି। ଏ ସମ୍ପର୍କିତ ଫାଟୋ ଏବଂ ଭିଡିଓ ପ୍ରସ୍ତୁତ କରି ସୋସିଆଲ ମିଡ଼ିଆର ସହାୟତା ନେଇଛି ଝାରସୁଗୁଡ଼ା ପୋଲିସ।
ଝାରସୁଗୁଡାରୁ ରବିନାରାୟଣ ସାହୁ, ଇଟିଭି ଭାରତ
