ଝାରସୁଗୁଡ଼ା: ଝାରସୁଗୁଡ଼ା ସହରରେ ଚାକିରି କରେଇଦେବା ଆଳରେ ଠକେଇ । ଓଡ଼ିଶାର ବିଭିନ୍ନ ଜିଲ୍ଲାରୁ ତଥା ସମ୍ବଲପୁର, ବରଗଡ଼,ସୋନପୁର, ଦେବଗଡ଼ର ଅନେକ ଯୁବକ ଯୁବତୀ ମାନଙ୍କୁ ଚାକିରି କରେଇଦେବା ନେଇ ଠକିଥିଲେ ଉତ୍ତରପ୍ରଦେଶର ଦୁଇଜଣ ଯୁବକ । ଏମାନେ ଫେକ୍ ପୋଷ୍ଟର, ଫେକ୍ ପ୍ଲେସମେଣ୍ଟ ପତ୍ର ଦେଇ ଠକୁଥିବା ନଜରକୁ ଆସିଥିବା ବେଳେ ଝାରସୁଗୁଡ଼ାରେ ମଧ୍ୟ ଜଣକୁ ଚାକିରି ଦେବା ଆଳରେ ଠକିଥିଲେ ।
ଚାକିରୀ କରେଇଦେବା ଆଳରେ ଠକେଇ
ଏନେଇ ଝାରସୁଗୁଡ଼ା ଥାନାରେ ଅଭିଯୋଗ ହେବା ପରେ ପୋଲିସ ତଦନ୍ତ ଆରମ୍ଭ କରିଥିଲା । ତେବେ ବସନ୍ତ ଲାଲ୍, ମହମ୍ମଦ ଅଶଲମ୍ ନାମକ ଦୁଇଜଣ ବ୍ୟକ୍ତିଙ୍କୁ ଗିରଫ କରିଛି । ତାଙ୍କ ପାଖରୁ ୨୦ହଜାର ନଗଦ ଟଙ୍କା, ୪ଟି ମୋବାଇଲ ଫୋନ, ବେନର ଏବଂ ଟଙ୍କା ରସିଦ ବହି ଜବତ କରିଛି ପୋଲିସ । ପରେ ସେମାନଙ୍କୁ କୋର୍ଟ ଚାଲାଣ କରାଯାଇଥିଲା ।
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
