ଝାରସୁଗୁଡା: ଜିଲ୍ଲା କୋଭିଡ ହସ୍ପିଟାଲରେ ଅତିରିକ୍ତ 20 ଟି ଆଇସିୟୁ ବିଶିଷ୍ଟ ଶଯ୍ୟା, 40 ଟି ଅକ୍ସିଜେନ ପାଇପ୍ ଲାଇନ ସପୋର୍ଟ ଶଯ୍ୟା ଏବଂ ବୀର ସୁରେନ୍ଦ୍ର ସାଏ ବିମାନବନ୍ଦର ପାଇଁ ଆଇସିୟୁ ଯୁକ୍ତ ଆମ୍ବୁଲାନ୍ସ ଲୋକାର୍ପିତ ହୋଇଛି । ଆଜି(ବୁଧବାର) ଜିଲ୍ଲା ଖଣିଜ ଉନ୍ନୟନ ପାଣ୍ଠିରୁ ଏହି ସମସ୍ତ ସୁବିଧାକୁ ଭର୍ଚୁଆଲ୍ ମୋଡରେ ସ୍ୱାସ୍ଥ୍ୟମନ୍ତ୍ରୀ ନବ ଦସ ଉଦଘାଟନ କରିଛନ୍ତି ।
ଏହି ଅବସରରେ ଭର୍ଚୁଆଲରେ ଜିଲ୍ଲାପାଳଙ୍କ ସହ ସାଂସଦ ସୁରେଶ ପୁଜାରୀ, ବ୍ରଜରାଜନଗର ବିଧାୟକ କିଶୋର ମହାନ୍ତିଙ୍କ ସହ ବିମାନବନ୍ଦର ନିର୍ଦ୍ଦେଶକ ଓ ଅନ୍ୟାନ୍ୟ ଜିଲ୍ଲାସ୍ତରୀୟ ଅଧିକାରୀମାନେ ଯୋଗଦେଇଥିଲେ ।
ଝାରସୁଗୁଡା ଜିଲ୍ଲା କୋଭିଡ ହସ୍ପିଟାଲରେ ଶଯ୍ୟାସଂଖ୍ୟା ବୃଦ୍ଧି ସହ ଆଇସିୟୁ ବେଡ ସଂଖ୍ୟା ମଧ୍ୟ ବୃଦ୍ଧି ପାଇ ଥିବାବେଳେ ଖୁବଶୀଘ୍ର ବନ୍ଧବାହାଲ ଠରେ 150 ଶଯ୍ୟା ବିଶିଷ୍ଟ ଅନ୍ୟ ଏକ କୋଭିଡ ହସ୍ପିଟାଲ ଆରମ୍ଭ ହେବ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି । ଏଥିସହ କୋରୋନାର ତୃତୀୟ ଲହର ପୁର୍ବରୁ ସରକାର ସଜାଗ ରହି ସମସ୍ତ ପ୍ରସ୍ତୁତି ଅରମ୍ଭ କରି ଦେଇଛନ୍ତି ବୋଲି ସେ କହିଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
