ଝାରସୁଗୁଡ଼ା: ଆଜି ଝାରସୁଗୁଡା ରିଜର୍ଭ ପୋଲିସ ପଡ଼ିଆରେ ହୋମ ଗାର୍ଡ ଦିବସ ପାଳିତ ହୋଇଯାଇଛି । ଏହି ଅବସରରେ ଝାରସୁଗୁଡା ଏସପି ରାହୁଲ ଜୈନ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ASP ଲମ୍ବୋଦର ବୁଡ଼ା, ଝାରସୁଗୁଡା SDPO ନିର୍ମଳ ମହାପାତ୍ର, ଝାରସୁଗୁଡା ଜିଲ୍ଲା ବିଭିନ୍ନ ଥାନାର ଅଧିକାରୀଙ୍କ ସମେତ ବେଦାନ୍ତ ଆଲୁମିନାର ଅଧିକାରୀ ଯୋଗଦେଇଥିଲେ। ପୋଲିସ ପାଇଁ ହୋମଗାର୍ଡ ହେଉଛନ୍ତି ଏକ ଅଭିନ୍ନ ଅଙ୍ଗ ବୋଲି ଝାରସୁଗୁଡା ଏସପି କହିଛନ୍ତି ।
ଅନ୍ୟପଟେ ଝାରସୁଗୁଡ଼ା ବେଦାନ୍ତ ଆଲୁମିନା ପକ୍ଷରୁ ସପ୍ତାହ ବ୍ୟାପୀ ଚାଲୁଥିବା HIV/AIDS ସଚେତନତା କାର୍ଯ୍ୟକ୍ରମ ପାଇଁ ଏକ ସଚେତନତା ସଭା ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଝାରସୁଗୁଡା ଏସପି. ରାହୁଲ ଜୈନ ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି ।
ସେହିପରି ଝାରସୁଗୁଡା ଏସପି ଲମ୍ବୋଦର ବୁଡ଼ା ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହି ପରିପ୍ରେକ୍ଷୀରେ ବେଦାନ୍ତ ଆଲୁମିନା ପକ୍ଷରୁ ଅନୁଷ୍ଠିତ ହୋଇଥିବା ସପ୍ତାହବ୍ୟାପୀ HIV/AIDS ସଚେତନତା କାର୍ଯ୍ୟକ୍ରମ ବିଷୟରେ ଅବଗତ କରାଯାଇଥିଲା ।
ଇଟିଭି ଭାରତ, ଝାରସୁଗୁଡ଼ା
