ଝାରସୁଗୁଡ଼ା: ରାସ୍ତା ଉପରେ ବନ୍ଧୁକ ଦେଖାଇ ହତ୍ୟା ଧମକ (Death Threats) ଦେଲେ ଦୁର୍ବୃତ୍ତ । ଝାରସୁଗୁଡା ଜିଲ୍ଲା ଓରିଏଣ୍ଟ ଥାନା ଅନ୍ତର୍ଗତ କାଳିନଗରର ସରୋଜ ସ୍ବାଇଁଙ୍କୁ କିଛି ଦୁର୍ବୃତ୍ତ ହତ୍ୟା ଧମକ ଦେଇଥିବା ଥାନାରେ ଅଭିଯୋଗ ହୋଇଛି । ଏହି ଘଟଣାରେ ପୋଲିସ ୪ ଜଣଙ୍କୁ ଗିରଫ କରିଛି । ପୂର୍ବ ଶତ୍ରୁତାକୁ କେନ୍ଦ୍ର କରି, ରାସ୍ତାରେ ଅଟକାଇ ବନ୍ଧୁକ ଦେଖାଇ ଧମକ ଦେଇଥିବା ସରୋଜ ଓରିଏଣ୍ଟ ଥାନାରେ ଅଭିଯୋଗ କରିଥିଲେ ।
ପୂର୍ବ ଶତ୍ରୁତାକୁ ନେଇ ହତ୍ୟା ଧମକ,୪ଗିରଫ
ଅଭିଯୋଗ ଆଧାରରେ ଓରିଏଣ୍ଟ ଥାନା ଅଧିକାରୀ କଲ୍ୟାଣୀ ବେହେରାଙ୍କ ନେତୃତ୍ବରେ ଏକ ଟିମ ଗଠନ କରି ୪ ଜଣକୁ ଗିରଫ କରିଛନ୍ତି । ଗିରଫ ଅଭିଯୁକ୍ତ ମାନେ ହେଉଛନ୍ତି, ସଦର ଥାନା ଏକାତାଲିର ନେକେତ ଜୟପୁରିଆ, ଲାଇକେରା ଥାନା ବନ୍ଧଲିର ଯୁଧିଷ୍ଠୀର ମହାନନ୍ଦ, କୋଲାବିରା ଥାନା ସିଂହିବାହାଲର ଆନନ୍ଦ ରୋହିଦସ ଓ ପାଇକପଡ଼ାର ଦେବାନନ୍ଦ କଉଡ଼ି । ଅଭିଯୁକ୍ତଙ୍କଠାରୁ ୨ଟି ବନ୍ଧୁକ ଏବଂ ୪ଟି ମୋବାଇଲ ଜବତ କରାଯାଇଥିବା ଓରିଏଣ୍ଟ ପୋଲିସ ପକ୍ଷରୁ ସୂଚନା ଦିଆଯାଇଛି ।
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
