ଝାରସୁଗୁଡା: ସହରର ସରବାହଲ ଠାରେ ଥିବା ନିଓ ହାଇଟ୍ସ ଆପାର୍ଟମେଣ୍ଟରେ ଅଗ୍ନିକାଣ୍ଡ ଘଟିଛି । ନିଆଁ ଲାଗି 6ଟି ବାଇକ ଜଳି ଯାଇଛି । ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ସନ୍ଦେହ କରାଯାଉଛି ।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା
ନିଆଁ ଲିଭାଇବା ପାଇଁ ଘଟଣାସ୍ଥଳକରେ ଝାରସୁଗୁଡା ଦମକଳ କେନ୍ଦ୍ରରୁ ତିନୋଟି ଦମକଳ ଗାଡି ପହଞ୍ଚିଥିଲା । ଏହାସହ ବେଦାନ୍ତ ଓ ଭୂଷଣ ଘରୋଇ କମ୍ପାନୀର ଦୁଇଟି ଦମକଳ ଗାଡି ନିଆଁକୁ ଆୟତ୍ତ କରିବା ପାଇଁ ନିୟୋଜିତ କରାଯାଇଥିଲା ।
ଶନିବାର ଦିନ 1 ଟା 45 ମିନିଟରେ ନିଓ ହାଇଟ ଆପାର୍ଟମେଣ୍ଟର ବେସମେଣ୍ଟରେ ଧୂଆଁ ବାହାରୁଥିବା ଦେଖି ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ନିଆଁ ଲାଗିବାର ଅଧଘଣ୍ଟା ପରେ ସମ୍ପୂର୍ଣ୍ଣ ଆୟତ୍ତ ହୋଇଥିବା ବେଳେ ପ୍ରାଥମିକ ତଦନ୍ତରୁ ସର୍ଟ ସର୍କିଟ ନିଆଁ ଲାଗିଥିବା ଝାରସୁଗୁଡା ଫାୟାର ଅଫିସର ଶୁଭାଶିଷ ମୁଦୁଲି କହିଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
