ଝାରସୁଗୁଡ଼ା: ଶୁକ୍ରବାର ରାଜ୍ୟ ବ୍ୟାପି ୭ ଦଫା ଦାବି ନେଇ TPWODL କାର୍ଯ୍ୟାଳୟ ସମ୍ମୁଖରେ ସିପିଆଇ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଉଛି । ଝାରସୁଗୁଡ଼ା ଜିଲ୍ଲାରେ ମଧ୍ୟ ରାଜ୍ୟ ସରକାର ତଥା ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି । ରାଜ୍ୟ ସରକାର ବିଦ୍ୟୁତ ବିଭାଗକୁ ଘରୋଇକରଣ ନକରି ପୁନଃ ତାଙ୍କ ଅଧିନରେ ନିଅନ୍ତୁ, ଓଡ଼ିଶାର ଜନତାଙ୍କୁ ମାଗଣା ବିଦ୍ୟୁତ ସେବା ଯୋଗାଇ ଦେବାକୁ ଅନୁରୋଧ କରିଛନ୍ତି ।
ବିଦ୍ୟୁତ ଘରୋଇକରଣର ପ୍ରତିବାଦ, ୭ ଦଫା ଦାବି ନେଇ TPWODL କାର୍ଯ୍ୟାଳୟ ଘେରିଲା ସିପିଆଇ
ଏଥିସହିତ ଅହେତୁକ ବିଦ୍ୟୁତ ବିଲ୍ ଉପରେ ନିୟନ୍ତ୍ରଣ କରିବା ପାଇଁ ମଧ୍ୟ ଅନୁରୋଧ କରିଛି ସିପିଆଇ । ଯଦି ଆଗାମୀ ଦିନରେ ଏହି ଦାବି ପୂରଣ ନହୁଏ ତେବେ ଆଗକୁ ବଡ଼ ପଦକ୍ଷେପ ଗ୍ରହଣ କରାଯିବ ବୋଲି ଦଳ ପକ୍ଷରୁ ଚେତାବନୀ ଦିଆଯାଇଛି ।
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
