ଯାଜପୁର: ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର । ଏହି ଘଟଣାଟି ଯାଜପୁର ଜିଲ୍ଲା ଯାଜପୁର ରୋଡ଼ ଥାନା ରମ୍ପାସ ନିକଟରେ ଦେଖିବାକୁ ମିଳିଛି । ତେବେ ମୃତ ଯୁବକ ଜଣକ ହେଲେ ସ୍ଥାନୀୟ ଧବଳଗିରୀ ଅଞ୍ଚଳର ଦେବାଶିଷ ସିଂ ବୋଲି ଜଣାପଡ଼ିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଖବର ଅନୁଯାୟୀ, ମୃତ ଦେବାଶିଷ କଳିଙ୍ଗନଗର ସ୍ଥିତ ରୋହିତ ଫେରୋଟେକ କାରଖାନାରେ କାର୍ଯ୍ୟ କରୁଥିଲେ। ଗତକାଲି ସେ ଡ୍ୟୁଟି ଯାଇ ଆଉ ଘରକୁ ଫେରିନଥିଲେ । ତେବେ ପରିବାର ପକ୍ଷରୁ ତାଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଏହାସହ ମୃତଦେହକୁ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଆରମ୍ଭ କରିଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
