ଯାଜପୁର: ନଦୀରେ ପୂଜାର୍ଚ୍ଚନା କଲେ ମହିଳା । ନଦୀରେ ଜଳସ୍ତର କମିବାକୁ ନେଇ ମହିଳାମାନେ ଯାଜପୁର ଖରସ୍ରୋତା ନଦୀକୁ ପୂଜାର୍ଚ୍ଚନା କରି ବନ୍ଦାପନା କରିଛନ୍ତି ।
ସୂଚନା ଅନୁଯାୟୀ, ଯାଜପୁର ବରୀ ନିର୍ବାଚନ ମଣ୍ଡଳୀର ବଡସୁଆର ପଞ୍ଚାୟତ ପାଳସାହି ଗ୍ରାମରେ ଖରସ୍ରୋତା ନଦୀକୁ ଗ୍ରାମର ମହିଳାମାନେ ବନ୍ଦାପନା କରିଥିବାର ଦୃଶ୍ୟ ଦେଖିବାକୁ ମିଳିଛି । ବିଶ୍ବାସ ଅଛି ଏହି ନଦୀ ବଢି ସମୟରେ ନଦୀର ଜଳକୁ ବନ୍ଦାପନା କରିବା ଦ୍ବାରା ନଦୀର ଜଳସ୍ତର କମିଥାଏ । ଯାହାକୁ ବିଶ୍ବାସ ରଖି ମହିଳାମାନେ ଖରସ୍ରୋତା ନଦୀକୁ ବନ୍ଦାପନା କରଛନ୍ତି ।
ଅନ୍ୟପଟେ ବୈତରଣୀ ନଦୀ ଜଳସ୍ତର କମିଥିବା ବେଳେ ଖରସ୍ରୋତା ନଦୀର ଜଳ ବୃଦ୍ଧି ପାଉଛି । ସେହିପରି ଯାଜପୁର ବରୀକୁ ସଂଯୋଗ କରୁଥିବା ରାସ୍ତା ଉପରେ ପାଣି ମାଡିଯିବାରୁ ବରୀକୁ ସମ୍ପୂର୍ଣ୍ଣ ଭାବେ ଯୋଗାଯୋଗ ବିଚ୍ଛିନ୍ନ ହୋଇଛି । ବରୀର ସମସ୍ତ ଅଫିସ କାର୍ଯ୍ୟାଳୟ, ଥାନା, ଅଗ୍ନିଶମ କେନ୍ଦ୍ର କାର୍ଯ୍ୟାଳୟରେ ପାଣି ପସି ରହିଥିବାରୁ ବହୁ ସମସ୍ୟାର ସମ୍ମୁଖୀନ ହେଉଛନ୍ତି ଉଦ୍ଧାକାରୀ ଦଳ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
