ଯାଜପୁର: ଯାଜପୁର ରୋଡ ଥାନା ପଦ୍ମପୁର ସ୍ଥିତ ମଣିଛକରେ ଏକ ଘର ଭିତରୁ ମହିଳାଙ୍କ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର । ଏହି ଘଟଣାରେ ମୃତ ମହିଳାଙ୍କ ସ୍ୱାମୀଙ୍କୁ ଥାନାରେ ଅଟକ ରଖାଯାଇଛି । ସୂଚନା ମୁତାବକ ମଙ୍ଗଳବାର ସକାଳୁ କୌଣସି ଘଟଣାକୁ ନେଇ ଜିତେନ୍ଦ୍ର ସାହାଣୀ ଓ ତାଙ୍କ ସ୍ତ୍ରୀ ରୂପା ଦେବୀ ମଧ୍ୟରେ ପାଟିତୁଣ୍ଡ ଲାଗିଥିଲେ ।
ଏଥିସହିତ ସ୍ୱାମୀ ପାଟିତୁଣ୍ଡ କରିବା ପରେ ନିଜ କାମରେ ମାର୍କେଟକୁ ଯାଇଥିଲେ । ତେବେ ମାର୍କେଟରେ ଗୁପଚୁପ ବିକୁଥିବା ବେଳେ ତାଙ୍କ ପତ୍ନୀ ରୁପା ଘରେ ରଶି ଲଗେଇ ଆତ୍ମହତ୍ୟା କରିଥିବା ପୋଡ଼ିଶା ଲୋକେ ଫୋନ କରିଥିଲେ । ଫୋନ କଲ ପାଇ ଜିତେନ୍ଦ୍ର ତୁରନ୍ତ ଘଟଣା ସ୍ଥଳରେ ପହଞ୍ଚି ଥିଲେ । ସେପଟେ ରୂପା ଆତ୍ମହତ୍ୟା କରିଥିବା ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଖବରପାଇ ଯାଜପୁର ରୋଡ ଥାନା ଅଧିକାରୀ ଉପେନ୍ଦ୍ର କୁମାର ପ୍ରଧାନ ନିଜ କର୍ମଚାରୀଙ୍କୁ ଧରି ଘଟଣା ସ୍ଥଳରେ ପହଞ୍ଚିଥିଲେ । ଏଥିସହିତ ମାଜିଷ୍ଟ୍ରେଟଙ୍କ ଉପସ୍ଥିତରେ ପୋଲିସ ମହିଳାଙ୍କ ମୃତଦେହକୁ ଉଦ୍ଧାର କରିଥିଲେ ।
ଏଥିସହିତ ମୃତ ରୁପାର ମରଶରୀରକୁ ଯାଜପୁର ରୋଡ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ । ସେପଟେ ମୃତ ରୁପାର ସ୍ୱାମୀ ଜିତେନ୍ଦ୍ରକୁ ପୋଲିସ ଅଟକ ରଖି ଅଧିକ ପଚରାଉଚରା କରୁଥିବା ସୂଚନା ମିଳିଛି । ଅଟକ ମୃତ ରୂପାଙ୍କ ସ୍ୱାମୀ ଜିତେନ୍ଦ୍ରର ଘର ବିହାର ରାଜ୍ୟରେ ବୋଲି ସୂଚନା ମିଳିଛି ।
ଇଟିଭି ଭାରତ, ଯାଜପୁର
