ଯାଜପୁର: ସଡକ ସୁରକ୍ଷା ପାଇଁ ପ୍ରଶାସନ ଆରମ୍ଭ କରିଛି ବ୍ୟାପକ ବ୍ୟବସ୍ଥା । ଜିଲ୍ଲା ପରିବହନ ବିଭାଗ ଦେଖାଇଛି ତତ୍ପରତା । ପୋଲିସ ସହାୟତାରେ ସହରର ବିଭିନ୍ନ ସ୍ଥାନରେ ଗାଡିର ପିଂଟନେସ, ସିଟବେଲ୍ଟ ଚେକ,ପରମିଟ୍, ହେଲମେଟ୍, ଇନ୍ସୁରାନ୍ସ ଆଦି ଯାଞ୍ଚ କରାଯାଉଛି ।
ଏଥି ସହିତ ସ୍କୁଲ ବସ ଓ ଗାଡି ଗୁଡିକରେ ଆବଶ୍ୟକତା ସୁରକ୍ଷା ବ୍ୟବସ୍ଥା ଗ୍ରହଣ କରିବାକୁ ତାଗିଦ ମଧ୍ୟ କରାଯାଇଛି । ସେହିପରି ଯାଜପୁରରୁ କଟକ ଓ ଭୁବନେଶ୍ବର ଅଭିମୁଖେ ଯାଉଥିବା ବସ ଗୁଡିକୁ ପାଣିକୋଇଲି ନିକଟରେ ତନଖି କରାଯାଇଥିଲା । ସେମାନଙ୍କୁ ନିଜ ନିଜ ପରମିଟ୍ ଅନୁଯାୟୀ ଯାତ୍ରା କରିବାକୁ ନିର୍ଦେଶ ଦେଇଛି ବିଭାଗ ।
ସୁରକ୍ଷା ଆଇନକୁ ଅବମାନନା କରୁଥିବା 31 ଗାଡି ଚାଳକଙ୍କ ଠାରୁ ମୋଟ 1ଲକ୍ଷ 23 ହଜାର 644 ଟଙ୍କା ଜୋରିମନା ଆକାରରେ ଆଦାୟ କରାଯାଇଛି । ଜୁନିୟର ଏମଭିଆଇ ବସନ୍ତ କୁମାର ସେନାପତିଙ୍କ ନେତୃତ୍ବରେ ପରିବହନ ବିଭାଗ,ପୋଲିସ ପକ୍ଷରୁ ଏହି ଧରପକଡ ଜାରି ରହିଛି । ଏଭଳି ଯାଞ୍ଚ ପକ୍ରିୟା ନିୟମିତ ଜାରି ରହିଲେ ବେପରୁଆ ଗାଡିଚାଳକ ମାନେ ସାବଧାନ ହେବେ ବୋଲି ମତପ୍ରକାଶ କରିଛନ୍ତି କେତେକ ବୁଦ୍ଧିଜୀବି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
