ଯାଜପୁର: ରାଜ୍ୟରେ ଦୁର୍ନୀତିରେ ଜଡିତ ଲୋକସଂଖ୍ୟା କିଛି କମ ନାହିଁ । ଉପର ଅଫିସରଙ୍କଠାରୁ ନେଇ ତଳ ଅଫିସର ସମସ୍ତେ ଦୁର୍ନୀତିରେ ଲିପ୍ତ ରହୁଛନ୍ତି । ଯାଜପୁର ବିଂଝାରପୁର ବ୍ଲକ ଜରି ପଞ୍ଚାୟତରେ ବିଭିନ୍ନ ସରକାରୀ ଯୋଜନାରେ ଅବହେଳା ହୋଇଥିବା ଅଭିଯୋଗ ହୋଇଛି । ଏଥିରେ ଜଡିତ ତିନି ସରକାରୀ କର୍ମଚାରୀଙ୍କୁ ନିଲମ୍ବିତ କରିଛନ୍ତି ଯାଜପୁର ଜିଲ୍ଲାପାଳ ।
ବିଂଝାରପୁର ବ୍ଲକରେ ବିଭିନ୍ନ ଯୋଜନାର ଅବହେଳା ହେଉଥିବା ନେଇ ଆଗରୁ ଅଭିଯୋଗ ହୋଇ ଆସୁଥିଲା । ଅଭିଯୋଗ ଭିତ୍ତିରେ ତଦନ୍ତ ଆରମ୍ଭ ହୋଇଥିଲା । ଯୋଜନାରେ କିଛି ସରକାରୀ କର୍ମଚାରୀ ଖାମଖିଆଲି କରୁଥିବା ଦେଖିବାକୁ ମିଳିଥିଲା । ଅନେକ ଯୋଜନାକୁ ବାଟମାରଣା କରାଯାଉଥିଲା ।
ଏନେଇ ପଞ୍ଚାୟତ ପିଇଓ ପ୍ରକାଶ ଜେନା, ଜିଆରଏସ ପାର୍ଥ ଛାଟୋଇ ଏବଂ କନିଷ୍ଠ ଯନ୍ତ୍ରୀ ତୁଷାର ପାତ୍ରଙ୍କୁ ନିଲମ୍ବିତ କରିଛନ୍ତି । ଯୋଜନାରେ ଅବହେଳା ନେଇ ସମିତି ସଭ୍ୟ ଭୁବନାନନ୍ଦ ସାମଲ ଧାରଣା ଦେବା ସହିତ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଥିଲେ । ଜିଲ୍ଲା ପ୍ରଶାସନ ପକ୍ଷରୁ ଏହାର ତଦନ୍ତ କରିବା ପରେ ଜିଲ୍ଲାପାଳ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା,ଇଟିଭି ଭାରତ
