ଯାଜପୁର: ବନ୍ୟା କ୍ଷତିଗ୍ରସ୍ତଙ୍କୁ ସହଯୋଗର ହାତବଢାଇଲେ କିନ୍ନର । ଭୋକ ଉପାସରେ ବନ୍ୟାପାଣି ଘେରରେ ଥିବା ଲୋକଙ୍କ ପାଖକୁ ପହଞ୍ଚାଇଲେ ରିଲିଫ । ଏଭଳି ମହତ ତଥା ପ୍ରଶଂସନୀୟ କାର୍ଯ୍ୟ କରିଛନ୍ତି ଯାଜପୁର ରୋଡର କିନ୍ନର ସଂଘ ।
ବନ୍ୟା ପ୍ରପୀଡିତଙ୍କୁ ରିଲିଫ ଯୋଗାଇଲା କିନ୍ନର ସଂଘ
ଯାଜପୁର ରୋଡ କିନ୍ନର ସଂଘର ସଭାପତି କାଜଲ ନାୟକ ଓ ଅନ୍ୟ କିନ୍ନରମାନେ ନିଜ ଉଦ୍ୟମରେ ବନ୍ୟାରେ ପୀଡିତ ଲୋକଙ୍କୁ ସହାୟତା କରିଛନ୍ତି । ଜିଲ୍ଲାର କୋରେଇ ବ୍ଲକର ଗୌରପୁର, ମୁକୁନ୍ଦପୁର, ମଙ୍ଗଳପୁର ଓ ରଣପୁର ଆଦି ଅଞ୍ଚଳରେ ବନ୍ୟା ପୀଡିତଙ୍କୁ ଶୁଖିଲା ଖାଦ୍ୟ ସାମଗ୍ରୀ ଯୋଗାଇ ଦେଇଛନ୍ତି । ଗତ ଦୁଇ ତିନି ଦିନ ହେବ ବନ୍ୟାପାଣି ଘେରରେ ଭୋକ ଉପାସରେ ଥିବା ଲୋକମାନେ କିନ୍ନରଙ୍କ ଠାରୁ ରିଲିଫ ପାଇ ଖୁସି ବ୍ୟକ୍ତ କରିଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା,ଇଟିଭି ଭାରତ
