ଯାଜପୁର: ଘନ କୁହୁଡି ଯୋଗୁଁ 16 ନମ୍ବର ଜାତୀୟ ରାଜପଥର ବନ୍ଦାଳ ଛକ ନିକଟରେ ଦୁର୍ଘଟଣା । ଏହି ସଡକ ଦୁର୍ଘଟଣାରେ 4 ଜଣ ଗୁରୁତର ଓ 2 ଜଣ ଆହତ ହୋଇଛନ୍ତି ।
ଘନ କୁହୁଡ଼ି ଯୋଗୁଁ ଟ୍ରକକୁ ପିଟିଲା କାର, ୪ ଗୁରୁତର
ସୂଚନାନୁସାରେ, 16 ନମ୍ବର ଜାତୀୟ ରାଜପଥର ବନ୍ଦାଳ ଛକ ନିକଟରେ ଟ୍ରକଟିକୁ କାରଟି ପଛପଟୁ ଧକ୍କା ଦେଇଥିଲା । ଫଳରେ କାରରେ ଥିବା ଛଅ ଜଣ ଯାତ୍ରୀଙ୍କ ମଧ୍ୟରୁ 4 ଜଣ ଗୁରୁତର ଥିବା ବେଳେ 2ଜଣ ଆହତ ହୋଇଥିବା ସୂଚନା ମିଳିଛି । ଆଜି ଭୋର ସମୟରେ କଲିକତାରୁ କଟକ ଅଭିମୁଖେ ଯାଉଥିବା ଏକ କାରଟି ବନ୍ଦାଳ ଛକ ନିକଟରେ ଘନ କୁହୁଡି ହୋଇଥିବାରୁ ରାସ୍ତା ପାରି ହେଉଥିବା ଏକ ଟ୍ରକକୁ ଧକ୍କା ଦେଇଥିଲା ।
ଯାତ୍ରୀଙ୍କ ମଧ୍ୟରେ2ଜଣ ମହିଳା ରହିଛନ୍ତି । ଚଣ୍ଡିଖୋଲ ଅଗ୍ନିଶମ ବାହିନୀ ପହଞ୍ଚି ଗୁରୁତରଙ୍କୁ ବଡଚଣା ମେଡିକାଲରେ ଭର୍ତ୍ତି କରିଛନ୍ତି । ଅନ୍ୟପଟେ ଟ୍ରକଟିକୁ ଅଟକ ରଖିଛି ବଡଚଣା ପୋଲିସ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
