ଯାଜପୁର: ପାଣିକୋଇଲି ଥାନା ଓଭରବ୍ରିଜ୍ ଉପରେ ଦୁର୍ଘଟଣା ଘଟି ସାଇକେଲ ଅରୋହୀ ମୃତ । ରାସ୍ତାରେ ଅଜଣା ଗାଡି ଧକ୍କାରେ ସାଇକେଲ ଆରୋହୀ ମୃତ୍ୟୁ ହୋଇଥିବା ବେଲେ ମୃତକଙ୍କ ପରିଚୟ ମିଳିପାରିନାହିଁ । ସୂଚନାନୁଯାୟୀ ଆଜି ସକାଳୁ ଜୈନିକ ବ୍ୟକ୍ତି ସାଇକେଲ ଯୋଗେ ପାଣିକୋଇଲି ଓଭରବ୍ରିଜ୍ ଉପର ରାସ୍ତା ଦେଇ ଆସୁଥିଲେ । ହଠାତ୍ ଭଦ୍ରକ ଆଡୁ ଆସୁଥିବା ଏକ ଅଜଣା ଗାଡି ସାଇକେଲ ଅରୋହୀଙ୍କୁ ପଛପଟୁ ଧକ୍କା ଦେଇଥିଲା । ଦୁର୍ଘଟଣାକୁ ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ ।
ଘଟଣାସ୍ଥଳରେ ପାଣିକୋଇଲି ପୋଲିସ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ଦାନଗଦି ଡାକ୍ତରଖାନାକୁ ପଠାଇଛନ୍ତି । ସେପଟେ ମୃତ ବ୍ୟକ୍ତିଙ୍କ ପରିଚୟ ମିଳିପାରି ନଥିବାରୁ ସୋସିଆଲ ମିଡିଆ ମାଧ୍ୟମରେ ମୃତ ବ୍ୟକ୍ତିଙ୍କର ପରିଚୟ ଜାଣିବାକୁ ଚେଷ୍ଟା ଚଳାଇଛି ପୋଲିସ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
