ଯାଜପୁର: ବିଧାୟିକା ପାଳିଲେ ଗୁରୁ ଦିବସ । ପରେ ସମସ୍ତ ଗୁରୁଙ୍କୁ ଏକାଠି କରି ସମ୍ବର୍ଦ୍ଧିତ କଲେ ବରୀ ବିଧାୟିକା ସୁନନ୍ଦା ଦାସ । ଚାଳଘର ସାହିତ୍ୟ ସଂସଦ ପକ୍ଷରୁ ଆୟୋଜିତ ହୋଇଥିଲା ଗୁରୁ ପୂଜା ଉତ୍ସବ। ଯେଉଁଠି ଏକାଠି ହୋଇଥିଲେ ବରୀ ବ୍ଳକର ୭୦୦ରୁ ଅଧିକ ଶିକ୍ଷକ ଶିକ୍ଷୟିତ୍ରୀ। ସେମାନଙ୍କୁ ଗୋଟିଏ ମଣ୍ଡପରେ ସମ୍ବର୍ଦ୍ଧିତ କରିଥିଲେ ବିଧାୟିକା। ଶିକ୍ଷକ ମାନଙ୍କର ଉଲ୍ଲେଖନୀୟ କାର୍ଯ୍ୟକୁ ପ୍ରଶଂସା କରି ପ୍ରତ୍ୟେକ ଶିକ୍ଷକଙ୍କୁ ମାନପତ୍ର ଓ ଉତରୀୟ ପ୍ରଦାନ କରାଯାଇଥିଲା।
ଚାଳଘର ସାହିତ୍ୟ ସଂସଦ ପକ୍ଷରୁ ଆୟୋଜିତ ଏହି ସ୍ବତନ୍ତ୍ର ଉତ୍ସବରେ କେବଳ କାର୍ଯ୍ୟରତ ଶିକ୍ଷକ ନୁହେଁ ବରଂ ଅବସରପ୍ରାପ୍ତ ଶିକ୍ଷକ ଶିକ୍ଷୟତ୍ରୀଙ୍କୁ ସମ୍ମାନିତ କରାଯାଇଥିଲା। ଏହି କାର୍ଯ୍ୟକ୍ରମରେ ବରୀ ବ୍ଳକର ଶିକ୍ଷାବିତ, ସ୍ବେଚ୍ଛାସେବୀ ଆଉ ବହୁ ସମାଜସେବୀ ଯୋଗ ଦେଇ ସଂସଦର ଏଭଳି କାର୍ଯ୍ୟକ୍ରମକୁ ପ୍ରଶଂସା କରିଥିଲେ।
ରାଜନୈତିକ ବ୍ୟସ୍ତବହୁଳ କାର୍ଯ୍ୟକ୍ରମ ବଦ ଦେଇ ଗୁରୁ ପୂଜାନ ଭଳି ଏକ ମହତ କାର୍ଯ୍ୟକ୍ରମରେ ନିଜକୁ ସାମିଲ କରିପାରିଥିବାରୁ ବିଧାୟିକା ସୁନନ୍ଦା ଦାସଙ୍କୁ ବିଭିନ୍ନ ମହଲରେ ସ୍ୱାଗତ କରାଯାଇଛି।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
