ଯାଜପୁର: ସେଲଫି ହେଲା କାଳ । ଗାଧୋଇବାକୁ ଯାଇ ସେଲଫି ନେଉଥିବାବେଳେ ବୁଡିଗଲେ 2 ଭଉଣୀ । ଘଟଣାରେ ଜଣେ ଉଦ୍ଧାର ହୋଇଥିବାବେଳେ ଅନ୍ୟ ଜଣେ ଏବେ ବି ନିଖୋଜ ରହିଛି । ଏଭଳି ଅଭାବନୀୟ ଘଟଣା ଘଟିଛି ଯାଜପୁର ସଦର ଥାନା ଖରସ୍ରୋତା ନଦୀର ତନ୍ତିଘାଇରେ । ଉଭୟ ସମ୍ପର୍କୀୟ ଭଉଣୀ ହୋଇଥିବାବେଳେ ସେମାନଙ୍କ ଘର ଏରବାଙ୍କ ବୋଲି ଜଣାପଡିଛି ।
ସେଲଫି ନେବା 2 ଭଉଣୀଙ୍କୁ ପଡିଲା ମହଙ୍ଗା
ସୂଚନାନୁସାରେ, ଦୁଇ ଭଉଣୀ ନିକଟସ୍ଥ ତନ୍ତିଘାଇକୁ ଗାଧେଇବାକୁ ଯାଇଥିଲେ । ଉଭୟ ସେଠାରେ ଫଟୋ ଉଠାଉଥିବାବେଳେ ନଦୀ ଭିତରକୁ ଖସି ପଡିଥିଲେ । ସେଠାରେ ଉପସ୍ଥିତ ଥିବା ଲୋକେ ନାଜରିନ ବେଗମଙ୍କୁ ଉଦ୍ଧାର କରିଥିବାବେଳେ ସାଇସ୍ତା ବେଗମ ଏବେ ବି ନିଖୋଜ ରହିଛି । ଖବର ପାଇ ଅଗ୍ନିଶମ ବାହିନୀର କର୍ମଚାରୀ ଘଟଣାସ୍ଥଳରେ ପହଞ୍ଚି ସାଉସ୍ତାଙ୍କୁ ଉଦ୍ଧାର କରିବାକୁ ଉଦ୍ୟମ ଚଳାଇଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
