ଯାଜପୁର: ଧର୍ମଶାଳା ହରିଦାସପୁର ପଞ୍ଚାୟତ ଶ୍ରୀବନ୍ତପୁର ଓ ଅଭୟପୁର ପଞ୍ଚାୟତର ବମ୍ଫୁ ନୋଡାଲ ସ୍କୁଲରେ ମଧ୍ୟାହ୍ନ ଭୋଜନ ଖାଇ ୫୦ ଛାତ୍ରଛାତ୍ରୀ ଅସୁସ୍ଥ । ସ୍କୁଲରେ ପିଲାମାନେ ମଧ୍ୟାହ୍ନ ଭୋଜନ ଖାଇବା ପରେ ପ୍ରଥମେ ୩୦ରୁ ଅଧିକ ଛାତ୍ରଛାତ୍ରୀ ଅସୁସ୍ଥ ହୋଇ ବାନ୍ତି କରିଥିଲେ ।
ମଧ୍ୟାହ୍ନ ଭୋଜନରେ ଝିଟିପିଟ-ପଚା ଅଣ୍ଡା ଖାଇ ସ୍କୁଲ ପିଲା ଅସୁସ୍ଥ
ଖାଦ୍ୟରେ ଝିଟିପିଟି ପଡିଯାଇଥିବା ଯୋଗୁଁ ଏପରି ହୋଇଥିବା ଅଭିବାବକମାନେ ଅଭିଯୋଗ କରିଛନ୍ତି । ପରେ ଅନ୍ୟ ଶ୍ରେଣୀର ୨୦ ଛାତ୍ରଛାତ୍ରୀ ମଧ୍ୟାହ୍ନ ଭୋଜନରେ ପଚା ଅଣ୍ଡା ଖାଇ ଅସୁସ୍ଥ ହୋଇ ବାନ୍ତି କରିବାରୁ ସେମାନଙ୍କୁ ଧର୍ମଶାଳା ମେଡିକାଲକୁ ଅଣାଯାଇଥିଲା ।
ମେଡିକାଲରେ ପ୍ରାଥମିକ ଚିକିତ୍ସା କରାଯିବା ସହ ଧର୍ମଶାଳା ବିଇଓ ପ୍ରଫୁଲ୍ଲ ବେହେରା ଡାକ୍ତରଖାନାରେ ପହଞ୍ଚିଛନ୍ତି । ଘଟଣାର ସ୍ଥିତି ଅନୁଧ୍ୟାନ କରିବା ସହ ଘଟଣାରେ ଦାୟୀ ଶିକ୍ଷକମାନଙ୍କ ବିରୁଦ୍ଧରେ କାଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
