ଯାଜପୁର: ପାଣିକୋଇଲି ଥାନା ଧନପୁର ଛକ ନିକଟରେ ମର୍ମନ୍ତୁଦ ଦୁର୍ଘଟଣା(road accident)। କାର ଓଲଟି 2 ମୃତ, 2 ଗୁରୁତର ଆହତ ହେଇଥିବା ସୂଚନା। ସୂଚନା ମୁତାବକ ଗତକାଲି(ଶୁକ୍ରବାର) ରାତି ୧୧ଟା ବେଳେ ଏକ କାରରେ ୪ ଯୁବକ କୌଣସି କାମରୁ ଯାଜପୁର ରୋଡକୁ ଫେରୁଥିଲେ।
ତେବେ ପାଣିକୋଇଲି ଥାନା ଧନପୁର ଛକ ନିକଟରେ ଏକ ଟ୍ରକ କାରକୁ ସାଇଡ଼ ମାରିବାରୁ କାର ଚାଳକ ଭାରସାମ୍ୟ ହରାଇ ରାସ୍ତା କଡରେ ଥିବା ଡିଭାଇଡରରେ ପିଟି ହୋଇ ଏକ ପୋଖରୀ ଭିତରେ ପଡ଼ିଥିଲା। ଫଳରେ କାର ଭିତରେ ଥୁବା ଯୁବକମାନେ ବାହାରି ପାରି ନଥିଲେ । ତେବେ ଦୁର୍ଘଟଣାକୁ ଦେଖି ସ୍ଥାନୀୟ ଲୋକେ ଘଟଣାସ୍ଥଳକୁ ଆସି ଯୁବକଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ।
ଏପଟେ ପାଣିକୋଇଲି ପୋଲିସ, ଖବର ପାଇ ଘଟଣାସ୍ଥଳରେ ପହଞ୍ଚିବା ସହ ଗୁରୁତରଙ୍କୁ ଚିକିତ୍ସା ପାଇଁ ତୁରନ୍ତ ଯାଜପୁର ମୁଖ୍ୟ ଚିକିତ୍ସାଳୟକୁ ପଠାଯାଇଥିଲା। ତେବେ ଏହି ଦୁର୍ଘଟଣାରେ ମୃତ 2 ଜଣଙ୍କ ମଧ୍ୟରେ ଜଣେ କୋରେଇ ଥାନା କନ୍ତଳ ଗାଁର ଚନ୍ଦନ ମହାଳିକ ହୋଇଥିବା ବେଳେ ଅନ୍ୟଜଣେ ଯାଜପୁର ରୋଡ ଥାନା ଝାଟିଆ ସାହିର ଦେବାଶିଷ ନାୟକ ବୋଲି ଜଣାପଡ଼ିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
