ଯାଜପୁର: ଜାରକା ଅଞ୍ଚଳରେ ସେକ୍ସ ରାକେଟ୍ରେ ଚଢାଉ କରିଛି ପୋଲିସ । ଏହି ଚଢାଉରେ ରାଣୀ ମହୁମାଛି, ଜଣେ ଦେହଜୀବୀଙ୍କ ସହ ୫ ଜଣଙ୍କୁ ପୋଲିସ ଗିରଫ କରିଛି । ପୋଲିସ ସେମାନଙ୍କ ନିକଟରୁ ଗୋଟିଏ କାର, ୩ଟି ବାଇକ ଓ ୭ଟି ମୋବାଇଲ ଫୋନ ସହ ବହୁ ଆପତ୍ତିଜନକ ସାମଗ୍ରୀ ଜବତ କରିଛି । ଗିରଫ ପରେ ସମସ୍ତଙ୍କୁ ଆଜି କୋର୍ଟ ଚାଲାଣ କରାଯାଇଛି ।
ଏକ ବିଶ୍ବସ୍ତ ସୂତ୍ରରୁ ଖବର ପାଇ ଗତକାଲି ରାତିରେ ଧର୍ମଶାଳା ପୋଲିସ ଜାରକା ନିକଟସ୍ଥ କୁମାରୀର ଏକ ଭଡାଘରେ ଚଢାଉ କରିଥିଲା । ସେଠାରୁ ଜଣେ ଦେହଜୀବୀକୁ ଉଦ୍ଧାର କରିବା ସହ ୨ ଜଣ ଦଲାଲ ରବିନ୍ଦ୍ର ସାହୁ ଓ ବଳରାମ ସାହୁକୁ ଗିରଫ କରିଥିଲା । ଏହା ସହ ସେଠାରୁ ୩ ଜଣ ଗ୍ରାହକ ସୌମ୍ୟଶ୍ରୀ ଜେନା, ମହେନ୍ଦ୍ର ମଲିକ ଓ ଲିପୁ ମଲିକଙ୍କୁ ଗିରଫ କରିଥିଲା । ଏହି ରାକେଟ୍ର ମୁଖ୍ୟ ରାଣୀ ମହୁମାଛି ଜଣଙ୍କ ଘର ବିଛାଖଣ୍ଡି ଅଞ୍ଚଳରେ ବୋଲି ଜଣାପଡିଛି । ସେ ଯାଜପୁର ଜିଲ୍ଲାର ବିଭିନ୍ନ ସ୍ଥାନରେ ଏହି ଦେହ ବ୍ୟବସାୟ ଚଳାଇ ଆସୁଥିଲା ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ