ଯାଜପୁର: ଯାଜପୁର ରୋଡ ପୋଲିସ ପକ୍ଷରୁ ବ୍ୟାସନଗରର ବିଭିନ୍ନ ଅଞ୍ଚଳରେ ଚଢ଼ାଉ । ଚଢାଉ ବେଳେ ବ୍ୟାପକ ଘର କରଣା ଜିନିଷ ଜବତ । ସୂଚନା ମୁତାବକ, ବ୍ୟାସନଗର କଲେଜ ରୋଡ, କହ୍ନେଇପୁର ଆଦି ଅଞ୍ଚଳରେ ଚୋରି ହେଇଥିବା ଯାଜପୁର ରୋଡ ପୋଲିସ ଷ୍ଟେସନରେ ଅଭିଯୋଗ ହୋଇ ଆସୁଥିଲା । ଏହି ଅଭିଯୋଗକୁ ଆଧାର କରି ଯାଜପୁର ରୋଡ ଥାନା ଅଧିକାରୀ ଅନୀଲ କୁମାର ମହାନ୍ତିଙ୍କ ନିର୍ଦ୍ଦେଶ ଏକ ସ୍ଵତନ୍ତ୍ର ଟିମ ଗଠନ କରି ଚଢ଼ାଉ କରି ଶିବ ମୁଖ ଘର ସାପଗଡ଼ିଆ, ହୀରା ମୂଖୀ ଘର ଧାନମଣ୍ଡଳ, ସେହିପରି ଜଣେ ନାବାଳକ ଯାଜପୁର ରୋଡ ଓ କାଳନ୍ଦୀ ସାହୁ ଭଦ୍ରକ ଜିଲ୍ଲାର ଅଗର ପଡାଙ୍କୁ ପୋଲିସ ଗିରଫ କରିବାରେ ସଫଳ ହୋଇଛି ।
ଏହି ଚଢ଼ାଉରେ ଗୋଟିଏ ବାଇକ, 2ଟି ଟିଭି, 2ଟି ଷ୍ଟାଣ୍ଡିଙ୍ଗ ଫ୍ୟାନ ସହିତ ବିଭିନ୍ନ ଘରୋଇକରଣ ସାମଗ୍ରୀ ଜବତ କରିଛି ପୋଲିସ । ଆଜି ଏହି ୪ ଜଣ ଅଭିଯୁକ୍ତଙ୍କୁ ପୋଲିସ କୋର୍ଟ ଚାଲାଣ କରିଥିବା ଜଣାପଡିଛି । ସେପଟେ ଏହି ଘଟଣା ଆଉ କାହାର ସମ୍ପୃକ୍ତ ଅଛି ପୋଲିସ ଅଧିକ ତଦନ୍ତ ଜାରି ରଖିଥିବା ଥାନା ଅଧିକାରୀ ଶ୍ରୀ ମହାନ୍ତି ସୂଚନା ଦେଇଛନ୍ତି ।
ସେହିପରି ଅନ୍ୟ ଏକ କେସ ରେ ଯାଜପୁର ରୋଡ ପୋଲିସ ଦ୍ବାରା ବ୍ୟାସନଗରର ବିଭିନ୍ନ ଅଞ୍ଚଳରେ ଚଢ଼ାଉ ୧୨ଟି ମୋବାଇଲ,୧୫ ହଜାର ଟଙ୍କା ସୁନାଗହଣା ଜବତ, ୩ ଜଣଙ୍କୁ ଗିରଫ କରିଥିବା ପୋଲିସ ସୂଚନା ଦେଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
