ଯାଜପୁର: ପାଣିକୋଇଲି ଥାନା ଅନ୍ତର୍ଗତ ପଥରପଦା ଛକ ନିକଟରୁ ଦୁଇଟି ଗୋରୁ ବୋଝେଇ ପିକଅପ ଭ୍ୟାନ୍ ଜବତ କରିଛି ପୋଲିସ | ପିକଅପ ଭ୍ୟାନ ଦୁଇଟି ଯାଜପୁରରୁ ଗୋରୁ ନେଇ କଲିକତା ଅଭିମୁଖେ ଯାଉଥିବା ସମୟରେ ଏକ ବିଶେଷ ସୂତ୍ରରୁ ଖବର ପୋଲିସ ପଥରପଦା ଛକ ନିକଟରେ ଭ୍ୟାନ ଦୁଇଟିକୁ ଜବତ କରିଛି । ଏଥି ସହ ଗାଡିରେ ଥିବା 25 ଗୋରୁଙ୍କୁ ଉଦ୍ଧାର କରାଯାଇଥିବା ବେଳେ ଏହାର ଦୁଇ ଡ୍ରାଇଭରଙ୍କୁ ଗିରଫ କରିଛି ପୋଲିସ ।
ଗୋରୁ ବୋଝେଇ ପିକଅପ ଜବତ ; 25 ଗୋରୁ ଉଦ୍ଧାର ସହ 2 ଗିରଫ
ଗିରଫ ଦୁଇଜଣଙ୍କୁ ଆଜି ଅପରାହ୍ନରେ କୋର୍ଟ ଚାଲାଣ କରାଯାଇଛି । ପୋଲିସ୍ ଏହି ଘଟଣାରେ ଅଭିଯୁକ୍ତ ମାନଙ୍କ ବିରୋଧରେ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି । ତେବେ ଉଦ୍ଧାର ହୋଇଥିବା ଗୋରୁ କୋଲକାତାକୁ ଚାଲାଣ ହେଉଥିବା ଜଣା ପଡିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା , ଇଟିଭି ଭାରତ
