ଯାଜପୁର: ବ୍ଲକ ପରିସରରେ ସ୍ଥାୟୀ ଲୋକ ଅଦାଲତ ଉଦଘାଟିତ ହୋଇଯାଇଛି । ଏହାକୁ ଜଷ୍ଟିସ୍ ସଂଜୁ ପଣ୍ଡା ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଏହି କୋର୍ଟରେ ବିଚାରପତି ଭାବେ ଅମୀୟ କୁମାର ସାହୁ ନିଯୁକ୍ତି ପାଇଛନ୍ତି । ଏହି କୋର୍ଟଟି ଲୋକ ଉପଯୋଗୀ ସେବା ଓ କୌଣସି ପ୍ରାକ୍ ମକଦ୍ଦମା ସ୍ତରରେ ଥିବା ବିବାଦର ଆପୋଶ ସମାଧାନ ପାଇଁ ଗଠିତ ହୋଇଛି।
ଭିଡିଓ ସୌଜନ୍ୟ: ସମ୍ବାଦଦାତା,ଯାଜପୁର
ଏହି କାର୍ଯ୍ୟକ୍ରମରେ ଓଡ଼ିଶା ରାଜ୍ୟ ଆଇନ୍ ସେବା ପ୍ରାଧିକରଣର ମେମ୍ବର ସେକ୍ରେଟାରୀ ଦେବାଶିଷ ନାୟକ, ଜିଲ୍ଲା ଜଜ୍ ବିରଞ୍ଚି ନାରାୟଣ ମିଶ୍ର, ପରିବାର ଅଦାଲତ ଜଜ୍ ପବିତ୍ର ମୋହନ ସାମଲ, ଅତିରିକ୍ତ ଜିଲ୍ଲା ଦୌରାଜଜ୍ ପ୍ରଶାନ୍ତ କୁମାର ନାୟକ, ସିଜେଏମ୍ ରାଜେଶ ନାୟାର, ଜିଲ୍ଲାପାଳ ରଞ୍ଜନ କୁମାର ଦାସଙ୍କ ସମେତ ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
