ଯାଜପୁର: ଦୁଲାଖାପାଟଣା ରେଳ ଷ୍ଟେସନରେ ଅଘଟଣ । ଟ୍ରେନରୁ ଖସି ଦୁଇ ଜଣ ଯାତ୍ରୀ ଆହତ ହୋଇଛନ୍ତି । ଦୁଇ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଦୁଇଜଣ ଯାତ୍ରୀ ବଟକୃଷ୍ଣ ସେଠୀ ଏବଂ ମାମୁନି ସାହୁ ବୋଲି ଜଣାପଡିଛି । ସୂଚନା ମୁତାବକ, ଆଜି ସକାଳ ସମୟରେ ବାଲେଶ୍ଵରରୁ ଭୁବନେଶ୍ୱର ଅଭିମୁଖେ ଯାଉଥିବା ମେମୁ ଟ୍ରେନ ଦୁଲାଖାପାଟଣା ଷ୍ଟେସନରେ ଅଟକିଥିଲା ।
ଟ୍ରେନରୁ ଖସି ଦୁଇ ଯାତ୍ରୀ ଆହତ
ସେଠାରୁ କିଛି ଯାତ୍ରୀ ଓହ୍ଲାଉଥିବା ବେଳେ ସ୍ଥାନୀୟ ଅଞ୍ଚଳର ଦୁଇ ଜଣ ଯାତ୍ରୀ ଟ୍ରେନରେ ଚଢୁଥିଲେ । ପ୍ରବଳ ଭିଡ଼ ଯୋଗୁଁ ସେମାନଙ୍କ ଗୋଡ ଖସିଯାଇ ତଳେ ପଡ଼ିଯାଇ ଆହତ ହୋଇଥିଲେ । ସ୍ଥାନୀୟ ଲୋକେ ଟ୍ରେନକୁ ଅଟକାଇ ସେମାନଙ୍କୁ ଉଦ୍ଧାର କରିଥିଲେ । ଏନେଇ ଘଟଣାସ୍ଥଳରେ ଚାପା ଉତ୍ତେଜନା ଦେଖାଦେଇଥିଲା । ଖବର ପାଇ କୋରେଇ ପୋଲିସ ଏବଂ ଆରପିଏଫ ପୋଲିସ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ।
ଇଟିଭି ଭାରତ, ଯାଜପୁର
